«ё-ԱՎՏՈ» ընկլերությունը Ֆրանկֆուրտի ավտոսրահում ներկայացրել է նորացված դիզայն ստացած քրոսովերը: Մասնավորապես, ավտոմեքենայի մոտ փոփոխվել են առաստաղի եւ ապակեպատման գիծը: Բացի այդ, ավտոմեքենան ստացել է գլխավոր լույսի լուսադիոդային լուսարձակներ եւ ցերեկային լույսի լապտերներ` դիմային բամպերի կողքերից, ինչպես նաեւ այլ ետեւի լապտերներ:
Ինչպես հաղորդվում էր նախկինում, քրոսովերն առաջին ավտոմեքենան կլինի «ё-մոբիլներ»-ի շարքում: Նրա թողարկումը կսկսվի 2012 թվականի երկրորդ կեսին: Ընդ որում, սկզբից նախատեսվում է հավաքել ավտոմեքենաներ, որոնք կունենան ներքին այրման ավանդական շարժիչներ: Հետագայում հոսքագծին կկանգնեն ֆուրգոններ եւ 5-դռնանի հեթչբեքներ, իսկ երկու տարի անց կկսվի հիբրիդային տարբերակների թողարկումը:
Նախնական տեղեկատվությամբ, «ё-մոբիլ»-ների վառելիքի ծախսը կկազմի 3,5 լիտր 100 կմ համար: Լրիվ լիցքավորված բակերի դեպքում ֆուրգոնը եւ քրոսովերը կարող են երթեւեկել 700 կմ, իսկ հեթչբեքը` 1100 կմ:
2011 թվականի մայիսին «ё-ԱՎՏՈ» ընկերությունը սկսեց նախնական պատվերներ ընդունել ավտոմեքենայի համար: Ներկայումս ավտոմեքենայի ամենամատչելի տարբերակի գինը կազմում է 360 հազ. ռուբլի (մոտ 12 000 դոլար), իսկ թոփային տարբերակինը` 490 հազար ռուբլի (մոտ 16 300 դոլար):
Like
OK
