Honda Civic հեթչբեքի նոր սերունդը այնքան ֆուտուրիստական տեսք ունի եւ դրսից, եւ ներսից, որ ճապոնացիները որոշեցին մասշտաբային նորամուծություններ չանել` սահմանափակվելով թեթեւ “կոսմետիկայով”: Ամենանկատելի փոփոխությունը` այլ լուծում ստացած ետեւի սփոյլերն է եւ նոր լապտերները:
Նոր Civic-ի մշակողները ցանկանում էին պահպանել ավտոմեքենայի սպորտային բնույթը, սակայն միաժամանակ ավելացնել նոր էլեմենտներ այնպես, որ նոր մոդելին հաղորդել էլ ավելի դինամիկա եւ էլեգանտություն:
«Մենք 20 մմ-ով նվազեցրել ենք ավտոմեքենայի բարձրությունը եւ ավելացրել ենք լայնությունը 10 մմ-ով` գոյություն ունեցող մոդելի համեմատությամբ, - ասում է նոր Civici-ի մշակման աշխատանքային խմբի ղեկավար Միցուրու Կարիան, - Հստակ համաչափությունների պահպանումը ամենագլխավոր խնդիրն էր Civic-ի նոր մոդելի նախագծման ժամանակ: Մենք ուժեղացրել ենք կոնստրուկցիայի սպորտային տեսքը, միաժամանակ ստեղծելով հարթ եւ դինամիկ ձեւ»: Դիզայներների ոգեշնչման աղբյուր են հանդիսացել «թռչող թեւ» կոնցեպցիայով նախագծված ինքնաթիռները, որոնց մոտ ֆյուզելյաժը եւ թեւերը միացված են մեկ կոնստրուկցիայի մեջ, որն ապահովում է հիանալի աէրոդինամիկա, անաղմուկություն եւ հարմարավետություն:
Սրահում փոփոխություններն էլ ավելի քիչ են, սակայն դրանք շատ հաճելի կլինեն ապագա գնորդների համար, քանի որ Honda-ն լրջորեն բարելավել է հարդարման նյութերը:
Բացի այդ, վերամշակվել է Civic-ի կախոցը: Այժմ, ինչպես պնդում են Honda-ի ինժեներները, Civic-ը պարզապես չունի մրցակիցներ գոլֆ-դասում` ազարտի, վարելու ժամանակ հետադարձ կապի եւ հարմարավետության համադրությամբ:
Ի դեպ, Honda Civic-ը ամենաընդարձակ ավտոմեքենաներից է իր դասում, իսկ բեռնախցիկային բաժնի ծավալով եվրոպական գոլֆ-դասի առաջատարն է:
Եվրոպական շուկայում ավտոմեքենան կհայտնվի 2012 թվականի սկզբին:
Like
OK
