Փողոցները փակ կլինեն զորահանդեսի փորձի կապակցությամբ

Երեւանի կենտրոնական փողոցները երթեւեկության համար փակ կլինեն սեպտեմբերի 17-ին` ժամը 14.00-ից 24.00-ը եւ սեպտեմբերի 19-ին` ժամը 07.00-ից 14.00-ը:

Ավելի վաղ ոստիկանությունը հայտնել էր, որ երթեւեկությունը դադարեցվելու է սեպտեմբերի 17-ին եւ 19-ին` ժամը 14.00-ից  24.00-ը:

Երթեւեկությունը դադարեցվելու է ՀՀ 20-րդ տարեդարձին նվիրված զորահանդեսի  փորձի կապակցությամբ հետեւյալ փողոցներում եւ պողոտաներում.

Կորյունի փողոց, Մեսրոպ Մաշտոցի պողոտա, Մարշալ Բաղրամյան պողոտա` Պռոշյան փողոցից մինչև Մոսկովյան փողոցն ընկած հատվածը, Մոսկովյան փողոց, Սարյան փողոց, Ամիրյան փողոց, Հանրապետության հրապարակ, Տիգրան Մեծի պողոտա, Երվանդ Քոչարի փողոց, Ալեք Մանուկյան փողոց, Սայաթ Նովայի պողոտա, Թումանյան փողոց:

Ոստիկանությունը խնդրում է բոլոր վարորդներին նշված օրերին ու ժամերին նշված վայրերից դուրս բերել կայանված տրանսպորտային միջոցները, այլապես դրանք կտարհանվեն: