“Կարկոմավտո” ընկերությունը, որն ի թիվս այլ ապրանքանիշների հանդիսանում է նաև հանրահայտ ֆրանսիական Peugeot ընկերության պաշտոնական ներկայացուցիչը Հայաստանում, առաջին անգամ հանրությանը ներկայացրեց շատերի կողմից սպասված նոր Peugeot RCZ կուպեն:
Այս ավտոմեքենայի հիմքում ընկած է օրիգինալ եռածավալ մի պլատֆորմ, որը թույլ է տալիս ապահովել բոլորովին նոր զգացողություններ` թե վարորդի, թե ուղևորների, թե պարզապես արտաքինից այս ավտոմեքենայով հիացողների համար: Այս ամենին է ուղղված նաև տանիքի ու հետևի ապակու ալիքաձև լուծումը, որը դարձել է ավտոմեքենայի յուրահատուկ այցեքարտը` միևնույն ժամանակ ապահովելով հիանալի աէրոդինամիկական որակներ: Առանձնակի ուշադրության են արժանի թափքի մկանուտ ուրվագիծը շեշտող հղկված ալյումինե ձուլվածքից պատրաստված կամարները:
Peugeot-ի հայաստանյան սիրահարները հնարավորություն ունեն պատվիրել այս ավտոմեքենան արտադրողի կողմից առաջարկվող բոլոր լրացուցիչ սարքավորումների փաթեթով: Ներկայացված ավտոմեքենան համալրված է 1.6 THP 156 ձ/ու հզորությամբ տուրբո շարժիչով, ավոտմատ տիպտրոնիկ փախանցումատուփով` ձմեռային և սպորտային ռեժիմներով: Մեքենայի աէրոդինամիկական ցուցանիշների վրա առանձնակի ազդեցություն է թողնում նաև հետևի ակտիվ սփոյլերը, որը փոխում է իր դիրքն ու թեքվածության աստիճանը մեքենայի արագության հետ զուգահեռ:
Peugeot RCZ-ը համալրված է նաև անվտանգության բազում համակարգերով, 4 բարձիկներով, բարձրորակ ձայնային համակարգով, կլիմատ կոնտրոլով և բազում այլ լուծումներով, առանց որոնց անհնար է պատկերացնել նմանատիպ ժամանակակից ավտոմեքենաները:
Արտադրողը դիրքայնացնում է այս մեքենան հանրահայտ Audi TT մոդելի հետ միևնույն դաշտում` ապահովելով սակայն առավել մատչելի գին ու տեխսպասարկում:
Ինչպես տեղեկացրեցին Peugeot ավտոսրահում նոր Peugeot RCZ-ը Հայաստան կբերվի միայն պատվերով` ինչը թույլ կտա առավելագույնս համապատասխանացնել մեքենան վարորդի ցանկություններին:
Like
OK
