Երեւան: Մեդիամաքս: Արտակարգ իրավիճակների նախարարության հաղորդման համաձայն, M6 միջպետական մայրուղու 86-րդ կիլոմետրում Վանաձոր-Բագրատաշեն հատվածում տեղի ունեցած սողանքի հետեւանքով թեթեւ մարմնական վնասվածքներ են ստացել 7 մարդիկ:
Հոկտեմբերի 2-ին, ժամը 19:03-ին նշված հատվածում 130 մ երկարությամբ եւ 60 մ բարձրությամբ հողազանգվածը լցվել է ավտոճանապարհին եւ այն ամբողջովին դարձրել անանցանելի: Փլվածքի տակ են մնացել տարբեր մակնիշի 35 մեքենաներ:
Դեպքի վայր են մեկնել ավելի քան 70 փրկարարներ` Արտակարգ իրավիճակների նախարարության տարբեր ջոկատներից:
Որոնողա-փրկարարական աշխատանքները դժվարանում են սողանքի ակտիվության պատճառով:
Like
OK
