Bentley ընկերությունը մտադիր է թողարկել “ամենաշքեղ” լիաքարշակ ամենագնացը, որը կունենա 12-մխոցանի շարժիչ: “Մենք կլինենք առաջինը, ով 12-մխոցանի շարժիչ կտեղադրի պրեմիում ամենագնացի վրա”, - հայտարարել է մակնիշի ղեկավար Վոլֆգանգ Դյուրհայմերը;
Հավանական է, որ Bentley-ի առաջին SUV-ը կստանա նոր սերնդի W12, որը տեղադրվում է Continental շարքի ավտոմեքենաների վրա: Վ. Դյուրհայմերը նշել է, որ W12 ավելի քիչ տեղ է զբաղեցնում, քան V12: Սակայն ամենագնացում կարող է տեղավորվել նաեւ երկրորդ տարբերակը: Bentley-ն մտադիր է ավտոմեքենան հագեցնել նաեւ դիզելային V12-ով: Հավանաբար, դա կլինի 6-լիտրանոց շարժիչի նոր սերունդը` 493 ձիաուժ հզորությամբ, որը տեղադրվում է Audi Q7-ի վրա:
Bentley ամենագնացը վաճառքում պետք է հայտնվի մոտավորապես 2015 թվականին:
Like
OK
