Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Որպես իր ապագա դրոշակակիր ֆրանսիական Peugeot ընկերությունն արտասովոր մոդել է պատրաստում: Դա կլինի ոչ թե ներկայացուցչական սեդան, այլ շքեղ մինիվեն, որը կստանա 608 ինդեքսը եւ կառուցված է MPV HX1 կոնցեպտի օրինակով: Նոր ավտոմեքենան շուկայում կհայտնվի 2014 թվականին:
HX1 կոնցեպտը ներկայացվել Ֆրանկֆուրտի ավտոսրահում: Դիզայնի ամենա աչքի ընկնող դետալը (եթե չհաշվենք թափքի տեսակը) ռադիատորի նոր ցանցն է, որը ցուցադրվել է 508 մոդելի վրա: Ցածր, սահուն եւ սրընթաց ուրվագիծը ավելի շուտ հիշեցնում են սլորտային ունիվերսալ, քան մինիվեն: Աէրոդինամիկ դիմադրողականության գործակիցը հավասար է 0,28-ի, գաբարիտները կազմում են 4954 մմ երկարությունը, 1990 մմ` լայնությունը եւ 1373 մմ` բարձրությունը:
Նախագծի կոնցեպցիան ստացել է “Կերպարանափոխություններ” անվանումը: Ենթադրվում է ինչպես ուղեւորների, այնպես էլ վարորդի տարբեր պահանջներին համապատասխան ձեւափոխվելու ավտոմեքենայի հնարավորությունը: Դռները բարձրանում են վերեւ, որպեսզի հեշտացնեն մուտքը սրահ, որն ունի երեք շարք նստատեղ: Ինտերյերի հարդարման համար օգտագործվել են որակյալ նյութեր, սրահում կլինեն բազմաթիվ ժամանակակաից գաջեթներ` սենսորային դիսձլեյներ, մինի-բար եւ նույնիսկ երկար սպասված սուրճ պատրաստող սարք:
Որպեսզի վարորդը հարմար նստի ավտոմեքենայի մեջ, ղեկանիվը եւ նստատեղերը ավտոմատ կերպով ետ են քաշվում: Ղեկային կառավարումը փոխում է կարգավորումները, եթե վարորդն ընտրում է վարման հանգիստ եւ հարմար ռեժիմը:
Տեխնիկական չափանիշների վերաբերյալ պաշտոնական տեղեկատվություն առայժմ չկա, սակայն նախնական տվյալներով, Peugeot 608-ը կունենա դիզելային շարժիչներ` 161 մինչեւ 271 ձիաուժ հզորությամբ, իսկ ավելի տնտեսող վարորդների համար նախատեսված է հիբրիդային ուժային համակարգ` բաղկացած 201 ձիաուժ «դիզելից» եւ 95-ուժանոց էլեկտրաշարժիչից:
Ամենայն հավանականությամբ, Peugeot-ի շքեղ մինիվենի գինը կկազմի մոտ 55 000 եվրո:
Մինիվենը որպես դրոշակակիր արտասովոր որոշում է, մանավանդ այս դեպքում, որտեղ շեշտադրումները հիմնականում շքեղության վրա են: Դատելով ֆրանսիական ընկերության վերջին մոդելներից, Peugeot-ը միանշանակ ձգտում է դեպի պրեմիում: Այս մասին խոսում է նաեւ նոր 508 մոդելը, որը միանգամից կփոխարինի 407 եւ 607:
Peugeot 508 երկարությունը կազմում է 4,79 մ (4,81` ունիվերսալի մոտ): Եթե համեմատենք 407 մոդելի գաբարիտների հետ, ապա ստացվում է, որ նոր սեդանը 10,1 սմ երկար է: Անիվային բազան նույնպես ավելացել է 9,2 սմ-ով: Նորույթի բեռնախցիկի ծավալը կազմում է 545 լիտր, ունիվերսալի մոտ` 660 լիտր: Ընդ որում, 508 մասսան 407 համեմատությամբ պակասել է 35 կգ-ով: Աէրոդինամիկ դիմադրողականության գործակիցը լավագույններից է այս դասում. 0,25` սեդանի մոտ, 0,26` ունիվերսալի մոտ:
Հիմքում Citroen C5 եւ С6 պլատֆորմն է: Շարժիչների շարքում կա տնտեսող 1,6 VTI` 120 ձիաուժ հզորությամբ: Առաջարկվում են նաեւ 5 տեսակի դիզելային շարժիչներ, որոնցից ամենահզոր տարբերակը դիզելային 2,2 HDi (204 ձիաուժ):
Ֆրանսիացիները հայտարարել են նաեւ 508 բազայի վրա բարձր անցանելիության 508 RXH ունիվերսալ ստեղծելու մտադրության մասին, որը մրցակցություն կկազմի Audi A6 allroad-ին:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
