“Վեկարը” ներկայացրեց Chevrolet-ի վերջին նորույթները

Chevrolet մակնիշի պաշտոնական ներկայացուցիչ` “Վեկար” ընկերությունը, առաջին անգամ ներկայացրեց նոր սերնդի Chevrolet Aveo մոդելը սեդան և հեչբեք թափքերով, ինչպես նաև արդեն իսկ շատերի կողմից սիրված Chevrolet Cruze ավտոմեքենան` հեչբեք թափքով:

Նոր Aveo-ն աչքի է ընկնում սլացիկ ժամանակակից դիզայնով` հանդիսանալով իսկական քաղաքային ավտոմեքենա: Արդեն բազային կոմպլեկտավորումներով այն առաջարկում է այնպիսի լուծումներ, ինչպիսին են ելեկտարակառավարվող ապակիները, “Follow-me-home” համակարգով օժտված լուսարձակները, անվտանգության թվով մինչև 6 բարձիկները, ABS, TSC, ESC, EBD, BAS համակարգերը, իմմոբիլայզերը, CD/MP3 նվագարկիչը, օդորակիչը և այլն: Հարկ է նշել նաև, որ Euro NCAP վերջին փորձարկումների ժամանակ Aveo-ն ճանաչվել է իր դասի առավել անվտանգ ու ապահով մեքենենրից մեկը: Նոր Aveo-ն առաջարկվում է թե մեխանիկական, թե վեցաստիճան տիպտրոնիկ փոխանցումատուփով, 1.2 լ, 1.4 լ և նույնիսկ 1.6 լ ծավալի տնտեսող շարժիչներով, ինչը թույլ է տալիս ընտրել այնպիսի տարբերակ, որն առավելագույնս հարմար կլինի վարորդի փորձին ու վարելաոճին: Տարողունակ բեռնախցիկը միմիայն շեշտում է այս ավտոմեքենայի պրակտիկ էությունը:

Ոչ պակաս տպավորիչ է նոր Chevrolet Cruze հեչբեքը, որի արտադրությն մասին հայտարարվել էր դեռ նախորդ տարի, իսկ արդեն այս տարի այն մեծ հաջողությամբ մասնակցում է WTCC մրցարշավի աշխարհի առաջնությանը` կերտելով Chevrolet –ի համար արդեն իսկ սովորական դարձած հաղթանակները:

Սերիական մոդելը ևս մեկ անգամ հաստատում է Chevrolet դիզայներների ու արտադրողների մանրակրկիտ մոտեցումը ավտոմեքենայի յուրաքանչյուր տարրին: Սկսած սարքավորումների վահանակի սլացիկ գծերից մինչև էրգոնոմիկայի հանդեպ ցուցադրված ուշադրությունը` նոր Cruze հեչբեքի սրահը անտարբեր չի թողնի գեղեցկությունն ու հարմարավետությունը գնահատող սպառողներին: Մեքենան առաջարկվում է ABS, TSC, ESC անվտանգության համակարգերով, անվտանգության 6-ից 8 բարձիկներով, տաքացվող ու էլեկտրակառավարվող հայելիներով, օդորակչով, 4 բարձրախոսներով համալրված Radio CD/MP3 նվագարկիչով և այլ բազում օգտակար ու անհրաժեշտ լուծումներով: Ինչպես և Aveo-ի դեպքում Cruze-ը հնարավորություն է տալիս ընտրել շարժիչների (1.6 լ և 1.8 լ) և փոխանցումատուփերի (5-աստիճան մեխանիկա և 6-աստիճան ավտոմատ) համադրությունը և վայելել սահուն ու կայուն ընթացքը:

Ինչպես տեղեկացրեցին “Վեկար” ընկերությունում ավտոմեքենաները կարելի է ձեռք բերել ապառիկ` սկսած 10% կանխավճարից: Ավելի մանրամասն ներկայացված ավտոմեքենաներին կարելի է ծանոթանալ ընկերության պաշտոնական կայքում` www.chevrolet.am.