Հայաստանում ՃՏՊ-ների քանակը աճել է 10 տոկոսով

2011 թվականի 10 ամիսների ընթացքում պետական հաշվառման ենթակա ճանապարհատրանսպորտային պատահարների /ՃՏՊ/ թիվն աճել է 10 տոկոսով եւ կազմել 1866:

Ինչպես հաղորդում է Մեդիամաքս-ը, այսօր ներկայացնելով վիճակագրության տվյալները` ՀՀ Ճանապարհային ոստիկանության ճանապարհապարեկային ծառայության բաժնի պետ Նորիկ Սարգսյանն ասել է, որ ՃՏՊ-ների հետեւանքով զոհվել է 249 մարդ, 2734 մարդ ստացել են տարբեր աստիճանի մարմնական վնասվածքներ:

Նորիկ Սարգսյանի խոսքով, 2010թ. 10 ամիսների համեմատ այս տարի ՃՏՊ-ների քանակը աճել է 254-ով, զոհվածների` 24-ով, իսկ մարմնական վնասվածքներ ստացողների` 531-ով:

Այս տարվա 10 ամիսների ընթացքում տուգանվել է 9 հազար հետիոտն: Նորիկ Սարգսյանը նաեւ տեղեկացրել է, որ մոտ օրերս բանուկ խաչմերուկներից մեկում փորձնական տեղադրվելու է մեկ տեսախցիկ: Մինչեւ տարեվերջ 15 վայրերում տեղադրվելու են արագություն չափող սարքեր եւ տեսախցիկներ 10 խաչմերուկներում: Բացի այդ, 20 վայրերում նախատեսված է վերգետնյա անցումների կառուցում:

Facebook Odnoklassniki

2952 դիտում