Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Միանալով աշխարհով մեկ անցկացվող տոնակատարություններին` օրերս երեւանյան ավտոսրահում նշվել է “Chevrolet”-ի 100-ամյակը: Միջոցառման կազմակերպիչն էր ընկերության հայաստանյան պաշտոնական ներկայացուցիչ “Վեկար”-ը:
Երեկոյին ներկա են եղել “Chevrolet” ավտոմեքենա վարողները, ընկերության հաճախորդներն ու բրենդի սիրահարները, ովքեր հնարավորություն են ունեցել ծանոթանալ 100-ամյակի առթիվ թողարկված նոր մոդելներին, իսկ դրանք վարել ցանկացողները գրանցվել` առաջիկայում կայանալիք թեստ-դրայվին մասնակցելու համար:
Միջոցառման հյուրերն են եղել նաեւ Արեւելյան եւ Կենտրոնական Եվրոպայում “Chevrolet” ընկերության վաճառքի գլխավոր գրասենյակի ներկայացուցիչները, ովքեր գոհունակություն են հայտնել “Վեկար” ընկերության ընդհանուր գործունեության ուղղվածությունից:
“Միջոցառման նպատակն է ուրախ տոն կազմակերպել մեր հաճախորդների համար, մի ընտանիքի նման նրանց հետ ուրախանալ ընկերության հաջողություններով եւ ներկայացնել այն նոր մոդելները, որոնք “Chevrolet” ընկերությունը թողարկել է հատուկ 100-ամյակի առթիվ: Այսօր ունենք նոր մոդելներ, ինչպես, օրինակ, “Chevrolet Aveon” ` իր թափքի երկու տեսակներով: Այն առաջին անգամ ներկայացվեց Հայաստանում երկու շաբաթ առաջ”,- BRAVO.am-ին ասել է ընկերության մարկետինգի բաժնի ղեկավար Արտյոմ Պետրոսյանը:
“1911-ին Լուի Ժոզեֆ Շեւրոլեի հիմնադրած ամերիկյան ընկերությանը հաջողվել է մուտք գործել եվրոպական շուկա, իսկ Հայաստանում վստահ կարող ենք ասել, որ “Chevrolet”-ը “գտել” է իրեն:)”,-նշել է Երվանդ Ղարիբյանը:
Ընկերության 100-ամյակի հատուկ հյուրն է եղել նույն ինքը` մրցարշավորդ Լուի Ժոզեֆ Շեւրոլեն:): Ավտոապրանքանիշի հիմնադիրը հյուրերին հոլովակների միջոցով ներկայացվել է ապրանքանիշի ստեղծման պատմությունը, անցած ուղին ու հաջողությունները, ապա լուսանկարվել իր երկրպագուների հետ: Ի դեպ, Լուի Ժոզեֆ Շեւրոլեին մարմնավորել է ՀՀ վաստակավոր արտիստ Բագրատ Գեւորգյանն, ում նմանությունը բրենդի հիմնադրին մեծ անակնկալ է եղել երեկոյի հյուրերի համար:
Ամերիկյան ավտոարտադրողի 100-ամյակի տոնական տորթը կտրելուց հետո Լուի Ժոզեֆ Շեւրոլեն ներկաներին առաջարկել է շարունակել ուրախ տրամադրությամբ երեկոն: Հայտարարվել է հատուկ ակցիայի մասին, որը թույլ կտա բոլոր ցանկացողներին փոխարինել իրենց հին ավտոմեքենան նոր “Chevrolet”-ով կամ ձեռք բերել նորը` շահավետ գնով:
Երեկոյի ընթացքում հնչել է ջազային երաժշտություն` “Imagine” բենդի կատարմամբ:
Տեքստը`Սիրանուշ Եղիազարյանի /Bravo.am/
Լուսանկարները` Աղվան Խաչատրյանի /Bravo.am/
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
