Նոր Mercedes-Benz S-class-ը սովորում է ընթանալ առանց վարորդի

Mercedes-Benz-ը պատմել է նոր S-Class-ի մասին, որի թողարկումը նախատեսված է 2013 թվականին: F125 եւ F800 կոնցեպտների վրա հիմնված նորույթը կթողարկվի սեդան եւ կուպե թափքերով, ինչպես նաեւ կթողարկվեն կաբրիոլետ եւ Pullman ներկայացուցչական լիմուզինը: Ավտոմեքենան կստանա կատարելագործված կախոց, ավելի էկոլոգիական շարժիչներ եւ 9-աստիճան ավտոմատ փոխանցման տուփ` 9G-tronic: Հնարավոր  է նաեւ արտասովոր հիբրիդը. էլեկտրաշարժիչին կարող է զույգ կազմել ոչ թե բենզինային, այլ դիզելային շարժիչը:

Սակայն Mercedes-Benz S-class-ի մոտ ամենաարտասովորն առանց վարորդի կառավարվելու ունակությունն է: Ճիշտ է, դա դեռեւս վերաբերվում է ոչ շատ բարձր արագություններին: Սակայն, ինչպես հայտնեց Mercedes-Benz ընկերության ինժեներ Շտեֆան Շխեվերը, համակարգը շարունակում են լրամշակել, եւ բացառված չէ, որ ապագայում S-class-ը կոսովորի առանց վարորդի ընթանալ ավելի լուրջ արագությամբ: Ինքը համակարգը, ըստ էության, իրենից ներկայացնում է կռուիզ-կոնտրոլի առաջադեմ տարբերակը: Սենսորները եւ տեսախցիկները դիտարկում են ճանապարհային իրավիճակը, «իրենց» եւ շրջապատող մեքենաների արագությունը, ինչը թույլ է տալիս համակարգին վերահսկել ավտոմեքենաների միջեւ տարածությունը:

Մյուս գաջեթների թվում նոր սերնդի Comand համակարգն է, որը թույլ է տալիս աշխատել Google-քարտեզների հետ եւ նույնիսկ նայել Street View համայնապատկերները, ինչպես նաեւ մշակողների հպարտությունը` գերորակյալ աուդիոհամակարգը:

Facebook Odnoklassniki

4913 դիտում