Infiniti-ն Լոս Անջելեսում ցուցադրել է IPL G կաբրիոլետը

Լոս Անջելեսի միջազգային ավտոսրահում կայացել է Infiniti IPL G կաբրիոլետի սերիական տարբերակի պրեմիերան: Վաճառքում ավտոմեքենան կհայտնվի հաջորդ տարի, հենց ամառային սեզոնից առաջ: Նշենք, որ IPL-ը (Infiniti Performance Line) ընկերության նոր բրենդն է, որը զբաղվելու է ավտոմեքենաների «հզորացված» տարբերակների թողարկմամբ:

Նորույթը կառուցված է Infiniti G37 կաբրիոլետի բազայի վրա, սակայն տարբերվում է նրանից ինչպես արտաքինով, այնպես էլ բարելավված տեխնիկական բնութագրերով:
Բացի այդ, Infiniti IPL G ստացել է լրամշակված V6 շարժիչ` 3,7 լ ծավալով, կատարելագործված կախոց եւ արտանետային համակարգ, ինչպես նաեւ էքսկլյուզիվ անիվային դիսկեր թեթեւ ձուլվածքներից եւ կաշվե սրահ:

Շարժիչների եւ արտանետային համակարգի լրամշակումների հաշվին շարժիչն ունի 343 ձիաուժ հզորություն եւ 370 Նմ պտտեցնող պահ:

Կաբրիոլետի սրահում տեղադրված է Bose աուդիոհամակարգ` 13 դինամիկներոց, երկու գոտիանոց կլիմատ կոնտրոլ, ալյումինե ոտնակներ, Bluetooth եւ թրաֆիկի եւ եղանակային պայմանների մասին տեղեկություններ ցուցադրող նավիգատոր:

Facebook Odnoklassniki

1842 դիտում