Audi A1 Sportback. ստեղծված է հատուկ երիատասարդ ընտանիքների համար

Audi A1-ը շատ հաջողված մոդել է, որը կարողացել է դառնալ MINI-ի լիարժեք մրցակիցը. հունվար-սեպտեմբեր ամիսներին գերմանացիները վաճառել են մոտ 90 հազար A1, իսկ MINI-ն վաճառվել է 103 հազար օրինակով: Ընդ որում, Audi-ն կարող էր եւ ավելի վաճառել, սակայն դա թույլ չտվեցին անել գործարանի արտադրական հզորությունները, որոնք հարկ եղավ շտապ ավելացնել մինչեւ 120 հազար ավտոմեքենա տարեկան: Եվ ահա, տարեվերջին, А1 ընտանիքը համալրվեց 5-դռնանի տարբերակով, որը ըստ ավանդույթի ստացավ Sportback անվանումը:

Արտաքինից 5-դռնանի ավտոմեքենան գրեթե չի տարբերվում նույնանուն կոնցեպտից, որն Audi-ն ցուցադրել է երեք տարի առաջ Փարիզում: Միայն անշրջանակ դռները փոխարինվել են սովորական դռներով` ապակիների համար նախատեսված շրջանակներով: Հետաքրքիր է, որ ավտոմեքենան ավելի բարձր է ստացվել. Sportback-ը բարձր է 3-դռնանի ավտոմեքենայից` ետեւի սյուների ավելի ուղղահայաց ձեւի համար: Ետեւի բազմոցը «փոսն» ընկած է, ինչը թույլ է տվել 11 մմ բարձրություն վաստակել ետեւի ուղեւորների համար: Սակայն միջին հասակից բարձր մարդիկ կրկին անհարմարություններ կզգան ոտների մասում: Սակայն Audi-ի ներկայացուցիչներն ասում են, որ չեն էլ նախատեսել ստեղծել լիարժեք 5-տեղանի հեթչբեք` A1 Sportback-ը նախատեսված է երիատասարդ մարդկանց համար, որոնք արդեն երեխաներ ունեն: Չէ որ լրացուցիչ երկու դռները թույլ կտան հեշտությամբ տեղադրել երեխայի բազկաթոռը, եւ երեխային նստացնելը նույնպես շատ ավելի հեշտ է առանձին դռներից: Այսպիսով, А1 Sportback-ը պրեմիում հատվածի մուտքի տոմս դարձավ  նրանց համար, ում անհրաժեշտ են ոչ միայն էմոցիաներ, այլեւ պրակտիկություն:

Audi-ում չեն կասկածում, որ 5-դռնանի տարբերակը  հաջողություն կունենա եւ ասում են, որ Sportback-ը կկազմի А1-ի բոլոր վաճառքների գրեթե կեսը: Եվրոպայում ավտոմեքենան վաճառքում կհայտնվի գարնանը:

Facebook Odnoklassniki

3326 դիտում