Մահացել է լեգենդար Սերջիո Սկալյետտին

Երեկ իտալական Ferrari-ն ծանր կորուստ է կրել. մահացել է ընկերության լեգենդար դիզայներ Սերջիո Սկալյետին, որը չնայած իր պատկառելի տարիքին (իսկ նա 91 տարեկան էր) մինչեւ վերջին օրերն ակտիվ մանսկացություն էր ունենում ընկերության կյանքին:

Սերջիո Սկալյետին մի մարդ էր, որն իր ողջ կյանքը կապեց Ferrari-ի հետ: Նա սկսել է համագործակցել Էնցո Ֆերարիի հետ դեռ 17 տարեկանից, եւ երկար տարիներ ընկերությունում զբաղվել է էքսկլյուզիվ ավտոմեքենաների ստեղծմամբ: Եվ Ferrari-ում  գնահատեցին Սերջիոյի հավատարմությունը. 2003 թվականին ցուցադրվեց Ferrari 612 Scaglietti մոդելը, որն այդպես էր կոչվել հենց նշանավոր դիզայների պատվին:

«Այսօր տխուր օր է Ferrari-ի համար: Մենք կորցրել ենք ընկեր եւ թիմակից, նրա անունն ընդմիշտ կապված է մեր ընկերության հետ, - հայտարարել է Ferrari-ի ղեկավար Լուկա դի Մոնտեզեմոլոն, - բոլորը, ում պատիվ է հասել ճանաչել Սերջիոյին, կհիշեն նրան որպես հասարակ եւ ազնիվ մարդու, որն ամբոջղությամբ նվիրված էր իր աշխատանքին: Մենք կկարոտենք նրան»:

Facebook Odnoklassniki

3310 դիտում