Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Ավանդական ամանորյա ակցիան, որն արդեն չորրորդ տարին է, ինչ կազմակերպվում է Կոմիտաս 47 հասցեում գտնվող Նիսսան-Ռենո ավտոսրահում, այս անգամ կանցկացվի դեռեւս Հայաստանում չկիրառված ձեւաչափով: Սկսած 2011թ. դեկտեմբերի 20-ից` յուրաքանչյուր հաճախորդ կարող է այցելել ավտոսրահ, ծանոթանալ ակցիայի շրջանակներում առաջարկվող տարբեր ապրանքանշանների ավտոմեքենաների լայն տեսականուն, եւ լրացնելով մի քանի կետերից բաղկացած պարզ հարցաթերթիկը, ինքնուրույն հայտնել այն գինը, որով պատրաստ է ձեռք բերել տվյալ ավտոմեքենան:
Ընկերությունում նման նորամուծությունը պայմանավորեցին մի քանի գործոններով: Առաջին հերթին նման ձեւաչափը թույլ կտա ակցիայի օրը, որն այս տարի սահմանված է դեկտեմբերի 28-ը, հաճախորդներին առաջարկել առավել մեծ պահանջարկ վայելող ավտոմեքենաներն հենց այն զեղչերով, որոնք առավել գրավիչ կլինեն հետաքրքրված գնորդների համար:
Ինչպես հայտնեցին ընկերությունում, այս տարի էլ` նախորդների նման, հաճախորդները հնարավորություն կունենան ընտրել առաջատար եվրոպական եւ ճապոնական ավտոարտադրողների` իրենց նախընտրած ավտոմեքենան:
Զեղչի հայտերը լրացվում են Նիսսան-Ռենո ավտոսրահում: Մանրամասներին կարելի է տեղեկանալ 23 11 18 քաղաքային, կամ 091 23 11 18 բջջային հեռախոսահամարներով:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
