Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Երեւան: Մեդիամաքս: Նախօրեին տեղացած ձյան մաքրման եւ ճանապարհների անցանելիության ապահովման աշխատանքները թերի կազմակերպելու համար Երեւանի Մալաթիա-Սեբաստիա վարչական շրջանի սանմաքրման ձեռնարկության տնօրենն այսօր ազատվել է աշխատանքից:
Այս մասին այսօր կայացած աշխատանքային խորհրդակցության ընթացքում հայտնել է Երեւանի քաղաքապետ Տարոն Մարգարյանը:
Գոհունակությունը հայտնելով վարչական շրջանների ղեկավարներին եւ համապատասխան ստորաբաժանումների պատասխանատուներին մայրաքաղաքում տեղացած ձյան մաքրման եւ ճանապարհների անցանելիության ապահովման աշխատանքների հետ կապված` նա միաժամանակ հանձնարարել է նրանց սանմաքրման եւ կանաչապատման ձեռնարկությունների հետ համատեղ մինչեւ օրվա վերջ կազմակերպել մայթերի ու կանգառների, երկրորդական փողոցների, բակային տարածքների, աստիճանավանդակների ձյան մաքրման աշխատանքները, ինչպես նաեւ պահանջել շուրջօրյա աշխատանքային գրաֆիկ սահմանել եւ պատրաստ լինել առաջիկայում սպասվող հնարավոր տեղումների հետեւանքներն արագ վերացնելուն:
Հատկանշելով օպերատիվ շտաբի կողմից ողջ գիշերվա ընթացքում իրականացրած աշխատանքը, որին քաղաքապետն անձամբ է հետեւել, նշվել է, որ մասնակի թերացումներ են նկատվել Մալաթիա-Սեբաստիա վարչական շրջանում: Վիճակը շատ արագ շտկվել է, սակայն արդյունքում սանմաքրման ձեռնարկության տնօրենն ազատվել է աշխատանքից:
“Տեղումների ժամանակ քսանչորս ժամ շարունակ ոչ միայն պետք է հետեւենք աշխատանքների օպերատիվ կազմակերպմանը, այլեւ կանգնեք սանմաքրման աշխատակիցների կողքին: Աղ ու ավազը խնայել պետք չէ: Ճանապարհները պետք է լինեն անցանելի, բնակիչը ձյան մաքրման հետ կապված դժգոհություն չպետք է ունենա”, - ընդգծել է Տարոն Մարգարյանը, ավելացնելով, որ աշխատանքներն արդյունավետ կազմակերպելու համար ռեսուրսները բավարար են, իսկ թերացումների դեպքում պատասխանատուները կպատժվեն:
Լուսանկարները` Աղվան Խաչատրյանի
Տեսանյութերը` Hetq.am
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
