"Ուժեղացված" BMW X6-ը թարմացվել է

BMW ընկերությունը տարածել է «հզորացված» նորացված X6 M քրոսովերի պաշտոնական լուսանկարները, որն ընդամենը կոսմետիկ փոփոխություններ է ստացել էքստերյերի դիզայնում եւ կաշեպատ սրահի լրացուցիչ տարբերակներ:

Մինչռեսթայլինգային տարբերակից քրոսովերը տարբերվում է միայն այլ ռադիատորային ցանցով, դիմային լույսի նոր լուսադիոդային լուսարձակներով եւ արդիականացված ետեւի լապտերներով:

Նորացված քրոսովերի տեխնիկական բնութագրերը նույնն են մնացել: Լիաքարշակ BMW X6 M-ը նախկինի պես կոմպլեկտավորվելու  է 4,4-լիտրանոց 8-մխոցանի թվին-տուրբո բենզինային շարժիչով, որը զարգացնում է 555 ձիաուժ եւ 680 Նմ պտտեցնող պահ: Շարժիչն աշխատում է 6-աստիճան ավտոմատ փոխանցման տուփի հետ միասին:

Զրոյից մինչեւ 100 կմ արագություն ավտոմեքենան զարգացնում է 4,7 վայրկյանում: “Մ”-ի առավելագույն արագությունը կազմում է 250 կմ/ժ:

Facebook Odnoklassniki

5469 դիտում