Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Ճանապարհային ոստիկանության ճանապարհապարեկային ծառայության բաժնի պետ Նորիկ Սարգսյանն այսօր ասել է, որ 2011 թվականն աննախադեպ է եղել ճանապարհատրանսպորտային պատահարների (ՃՏՊ) քանակով:
Ինչպես հաղորդում է Մեդիամաքս-ը, Նորիկ Սարգսյանն ասել է, որ 2008թ.-ից իրականացվող վարչարարության պայմաններում ՃՏՊ-ների այդպիսի մեծ քանակություն չէր արձանագրվել:
“2011թ. ճանապարհային ոստիկանությունն արձանագրել է 2315 ՃՏՊ, որոնց հետեւանքով զոհվել է 327 մարդ, իսկ 3354-ը ստացել են տարբեր տեսակի մարմնական վնասվածքներ”,-ասել է նա:
Նորիկ Սարգսյանն ասել է, որ ՃՏՊ-ների նման քանակությունը պայմանավորված է բնական եւ արհեստական գործոններով:
“ՃՏՊ-ների բնական աճին նպաստել են վերջին տարիների ընթացքում ներմուծված արագընթաց տրանսպորտային միջոցների մեծ քանակը, որոնց ընդհանուր թիվը հասնում է 50 000-ի, իսկ արհեստական աճը պայմանավորված է ԱՊՊԱ համակարգի ներդրմամբ, ինչի արդյունքում ոչ մի ավտովթար դուրս չի մնում պետական հաշվառումից”,-ասել է Նորիկ Սարգսյանը:
Ճանապարհապարեկային ծառայության բաժնի պետը նաեւ նշել է, որ ՃՏՊ-ների կեսից ավելին տեղի է ունեցել Երեւանում:
2011թ.-ի ընթացքում ճանապարհապարեկային ծառայության կողմից կազմվել է ճանապարհային երթեւեկության կանոնների խախտման 680.400 արձանագրություն:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
