Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Հայաստանում Suzuki ընկերության պաշտոնական ներկայացուցիչ “Ռոյալ Մոթորս” ընկերությունը սկսել է Suzuki մակնիշի առաջին սպորտային լիաքարշակ սեդանի` Suzuki Kizashi-ի վաճառքները: Այս մոդելը առաջինն է ընկերության համար D-կարգի սեգմենտում:
“Ռոյալ Մոթորս”-ի սրահում ավտոմեքենան ներկայացված է 4 քարշակ անիվներով, 2,4 լիտր աշխատանքային ծավալով, ալյումինե շարժիչով, որի հզորությունը 178 ձիաուժ է: Ավտոմեքենայի 4x4 տարբերակի դեպքում վառելիքի միջին ծախսը կազմում է 8,3 լիտր: Մեքենան համալրված է ամբողջական էլէկտրափաթեթով, USB մուտքով, աուդիո համակարգով, բորտ համակարգչով եւ երկու գոտիանոց կլիմատ-կոնտրոլ համակարգով:
Suzuki Kizashi-ի սրահում օգտագործված նյութերի որակը բավականին բարձր է իր կարգի սեդանների հետ համեմատությամբ, վարորդի նստատեղը շատ հարմար է, ղեկը կարելի է կարգավորել երկու հարթություններով, ետեւի ուղեւորների համար նախատեսված տարածությունը թույլ է տալիս ազատ նստել: Նշենք նաեւ, որ ավտոմեքենայի սրահը կաշվեպատ է:
Տարբեր շուկաներում Suzuki Kizashi –ի մրցակիցները տարբեր են: Ռուսաստանի շուկայում դրանք են Nissan Teana Four-ը, Subaru Legacy-ն, Mazda 6-ը, Honda Accord-ը, Opel Insignia-ն: Միացալ Նահանգներում Kisashi-ի մրցակիցներն են նոր Acura TSX –ը, Audi A4-ը, Buick LaCrosse-ը:
Իսկ ահա Հայաստանում, ինչպես նշեց “Ռոյալ Մոթորս” ընկերության գլխավոր տնորենի տեղակալ Վլադիմիր Հովսեփյանը, որպես Suzuki Kizashi-ի մրցակից իրենք տեսնում են Toyota Camry-ն, Nissan Teana-ն, Mazda 6-ը, Kia Optima-ն եւ Hyundai Sonata-ն:
Նշված կոմպլեկտավորմամբ Kizashi-ն առաջարկվում է 15 800 000 դրամով: Թե որքանով այս գինը հրապուրիչ կլինի հայ գնորդի համար ու կկարողանա արդյոք Suzuki –ի այս մոդելը մրցակցել շուկայում մրցակիցների հետ, պարզ կդառնա 2012 թվականի վաճառքները ամփոփելուց հետո:
Նշենք, որ “Ռոյալ Մոթորս” ընկերության ավտոսրահը գտնվում է Դավիթաշեն 4-րդ թաղամաս, 26/1 հասցեում: Ընկերության կայքի հասցեն է www.suzuki.am:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
