“Մոբիլ Ստարտ”. “Հստակ գիտելիքներ` անվտանգ երթեւեկելու համար”

“Մոբիլ Ստարտ” ավտոդպրոցի տնօրեն Գարիկ Արզումանյանի հարցազրույցը Auto.am կայքին

- Ե՞րբ է հիմնադրվել ձեր ավտոդպրոցը եւ ինչո՞վ է այն առանձնանում Երեւանում գործող մնացած ավտոդպրոցներից:

- “Մոբիլ Ստարտ” ավտոդպրոցը հիմնադրվել է 2004 թ. եւ առաջին օրվանից առաջնորդվել է հետեւյալ կարգախոսով. “Հստակ գիտելիքներ` անվտանգ երթեւեկելու համար”: Առաջինն է սկսել օգտագործել արտերկրյա արտադրության մեքենաներ եւ մոտոցիկլներ ուսումնական նպատակների համար:

- Ի՞նչ տեւողություն ունեն դասընթացները ձեր դպրոցում եւ ինչպիսի՞ փուլերից են դրանք բաղկացած:

- Դպրոցում տրամադրվում են զանազան ծառայություններ. հիմնական բազային կուրսը այս պահի դրությամբ կազմում է 45 օրացուցային օր: Դասընթացները բաղկացած են տեսական եւ գործնական պարապմունքներից: Ցանկության դեպքում ուսուցումը կարող է անցկացվել մասնակի փուլերով, նաեւ կարող են անցկացվել անհատական դասընթացներ:

- Ի՞նչ մասնագետներով է համալրված “Մոբիլ Ստարտ” ավտոդպրոցը:

- “Մոբիլ Ստարտ” ավտոդպրոցի գրեթե բոլոր մասնագետները ունեն բարձրագույն  տեխնիկական կրթություն, երկար տարիների ուսուցանելու փորձ. նրանցից մի մասը ունի  նաեւ երկար տարիների ավտո-մոտոսպորտային փորձ եւ զանազան նվաճումներ այդ ասպարեզում:

- Ինչպե՞ս եք համագործակցում պետավտոտեսչության հետ` վարորդներին պատրաստելու ընթացքում:

- Պետավտոտեսչության աշխատակիցների հետ տեղի են ունենում զանազան քննարկումներ ուսումնական գործընթացի արդյունավետությունը բարձրացնելու նպատակով: Պետավտոտեսչության կողմից բազմաթիվ անգամ շեշտվել է “Մոբիլ Ստարտ”  ավտոդպրոցի շրջանավարտների բարձր գիտելիքների առկայությունը:

- Ի՞նչ ավտոմենքենաներով է համալրված ավտոդպրոցը:

- Ավտոդպոցը համալրված է համապատասխան կահավորված “Մերսեդես” մակնիշի ավտոմատ եւ մեխանիկական փոխանցման տուփով մեքենաներով: Դպրոցը ունի նաեւ “Հոնդա” մակնիշի մոտոցիկլներ:

- Ինչպիսի՞ն է տոկոսային հարաբերակցությունը դպրոցում սովորող տղամարդկանց եւ կանանց միջեւ:

- Սովորող տղամարդկանց եւ կանանց հարաբերակցությունը կազմում է 30/70:

- Շրջանավարտների քանի՞ տոկոսն է դրական հանձնում քննությունները:

-  Շրջանավարտների քննության հանձնման դրական տոկոսը շատ բարձր է, եւ երբեմն հասնում է 100%-ի:

Facebook Odnoklassniki

12715 դիտում