Like
OK
Կայացավ Renault Arkana մոդելի պաշտոնական շնորհանդեսը
Դիլերներ
ՀՀ Ճանապարհային ոստիկանության պետի տեղակալ, գնդապետ Հայկ Սարգսյանն այսօր ասել է, որ տեսախցիկների եւ արագաչափերի ներդրումից ի վեր ՃՈ-ն արձանագրել է ճանապարհային երթեւեկության մոտ 21000 խախտումներ:
“Վարորդների զգալի մասը պարտաճանաչ վճարում է տույժը: Եթե խախտման հաջորդ օրվանից 30 օրվա ընթացքում վարորդը չի վճարում սահմանված տուգանքը, ապա այն եռապատկվում է, իսկ 60 օրից հետո` հնգապատկվում”,- ասել է Հայկ Սարգսյանը:
Նա նաեւ տեղեկացրել է, որ սահմանված տույժը կարող է վիճարկվել տասնօրյա ժամկետում:
“Աքիլլես” ավտովարորդների իրավունքների պաշտպանության ՀԿ նախագահ Էդուարդ Հովհաննիսյանի դիտարկմանն այն մասին, թե որոշ վարորդների նկատմամբ ճանապարհային ոստիկանները տույժ չեն կիրառում, Հայկ Սարգսյանը պատասխանել է, որ նման բան հնարավոր չէ:
“Խախտման արդյունքում սահմանված տույժը հարյուր հազար դրամ չէ, որ ճանապարհային ոստիկանները փորձեն կոծկել այդ խախտումը: Բացի այդ, խախտումները ֆիքսում է ոչ միայն ՃՈ-ն, այլեւ տեսախցիկները ներդնող կազմակերպությունը”,- նշել է նա:
Նրա խոսքերով, վարորդների կողմից նվազել են արագության խախտումները, եւ տեսախցիկները հիմնականում ֆիքսում են խաչմերուկներում տեղի ունեցող խախտումները:
Այս խնդրի վերաբերյալ Էդուարդ Հովհաննիսյանն ասել է, որ խաչմերուկներում տեղի ունեցող խախտումները ճանապարհային երթեւեկության մասին օրենքում կատարված փոփոխությունների հետեւանք են, որոնց մասին վարորդները չեն իրազեկվել:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
