Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Հայաստանում աշխարհահռչակ Volvo ապրանաքանիշի պատոնական ներկայացուցիչ “ՖՈՐԱ” ընկերությունն առաջին անգամ Հայաստանում ներկայացրեց բոլորովին նոր Volvo S60 մոդելը, որին, ըստ ամենայնի, վիճակված է դառնալ շվեդական այս ընկերության մոդելային շարքի առաջատարը:
Նոր` 2.0 լիտր աշխատանքային ծավալով և 240 ձ/ու հզորությամբ բենզինային T5 շարժիչը թույլ է տալիս մեքենային զարգացնել 100կմ/ժ արագություն ընդամենը 7.5 վայրկյանում, ինչը հիանալի ցուցանիշ է պրեմիում դասի սեդանի համար: Սա տուրք է ժամանակակից կյանքի ռիթմին, սակայն պետք չէ նաև մոռանալ, որ Volvo-ն շարունակում է հպարտանալ անվտանգության ոլորտում իր դեռևս չգերազանցված չափորոշիչներով: Բնականաբար նոր Volvo S60-ը շարունակում է հավատարիմ մնալ ամենանավտանգ ավտոմեքենաներ արտադրող ընկերության գաղափարախոսությանը: Որպես ստանդարտ լրակազմ մեքենայի հետ առաջարկվում են ABS, EBA, EBL, DSTC անվտանգության համակարգերը, իսկ սրահը համալրված է մի քանի տեսակի անվտանգության բարձիկներով, ինչպիսիք են վարորդի և ուղևորի կողային, վարորդի դիմային, սրահի վարագույրաձև բարձիկները: Պետք չէ նաև մոռանալ Volvo-ի հանրահայտ CitySafety համակարգը, որը ավտոմատ կերպ արգելակում է մեքենան մինչև 30կմ/ժ արագությամբ ընթանալիս որևէ արգելքի հանդիպելու դեպքում:
Առանձնակի ուշադրության է արժանի մեքենայի սրահը, որը համալրված է բարձրորակ կաշեպատմամբ նստատեղերով, բորտ-համակարգչով, կրուիզ-կոնտրոլ համակրգով, ղեկանիվի վրայից կարգավորվող High Performance CD/MP3 աուդիոհամակարգով, AUX, USB, iPOD մուտքերով:
Ինչպես և բոլոր Volvo մեքենաների համար S60-ի համար տրվում է 2 տարի անսահմանափակ վազքով երաշխիք:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
