Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Երեւան: Մեդիամաքս: Երկրորդ օրն անընդմեջ Ճանապարհային ոստիկանության աշխատակիցները իրարանցում են առաջացնում Պուշկինի փողոցի վրա` «Դոլմամա» ռեստորանի եւ Ժուռնալիստների միության հատվածում:
Բանն այն է, որ «Դոլմամա»-ն Երեւանի լավագույն եւ ամենաթանկ ռեստորաններից մեկն է, եւ այստեղ հաճախ ճաշում են մեր պետական այրերը` իրենց հյուրերի հետ:
Երեկ «Դոլմամա»-ում ճաշում էր Կիպրոսի արտաքին գործերի նախարարը: Նրա «պատվին» Ճանապարհային ոստիկանության աշխատակիցները նախ բարձրախոսով կոչ արեցին հանել մոտակայքում կայանված բոլոր մեքենաները: Ի դեպ, սովորական օրերին այստեղ կայանելն արգելված չէ` Կենտրոն վարչական շրջանի “պառկովշիկները” 100 դրամ են գանձում ամեն կայանման համար:
Մեքենաները հանելուց հետո Կիպրոսի արտաքին գործերի նախարարին բերող ավտոշարասյունը միակողմանի Պուշկինի փողոց մտավ Սախարովի հրապարակից` կոպտորեն խախտելով երթեւեկության կանոնները:
Այսօր եւս «Դոլմամայի» մոտ իրարանցում էր սկսվել` պատրաստվում էին դիմավորել Լիտվայի արտաքին գործերի նախարարին: Բարեբախտաբար, այսօր շարասյունը
Պուշկինի փողոց մտավ ինչպես կարգն է` Աբովյան փողոցից:
Հաշվի առնելով այն փաստը, որ շատ եվրոպացի նախարարներ իրենց երկրներում տեղաշարժվում են ոտքով կամ հեծանիվով, դժվար թե նման իրարանցումը նրանց սրտով լինի: Կարծում ենք, որ հյուրերին ռեստորան կարելի է բերել առանց ավելորդ աղմուկի` չառաջացնելով մարդկանց անկեղծ զայրույթը: Օրինակ, ԱԳՆ-ից մինչեւ Դոլմամա ԱԳ նախարարն ու իր հյուրը հանգիստ կարող են ոտքով քայլել` դա կտեւի առավելագույնը 3-4 րոպե:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
