Ապրիլի 22-ին Երեւանի կենտրոնի որոշ հատվածներում կդադարեցվի տրանսպորտային միջոցների երթեւեկությունը

Երեւանը գրքի համաշխարհային մայրաքաղաք հռչակելու առթիվ կազմակերպված միջոցառումների անցկացմամբ պայմանավորված՝ ապրիլի 22-ին որոշ ժամանակահատվածներով կդադարեցվի տրանսպորտային միջոցների երթեւեկությունը մայրաքաղաքի մի քանի հատվածներում:

Ինչպես Մեդիամաքս-ին հայտնել են Երեւանի քաղաքապետարանից, ապրիլի 22-ին երթեւեկությունը կդադարեցվի. ժամը 15-ից 19-ը՝ Հանրապետության հրապարակում, ժամը 17-ից 19.30-ը՝ Մաշտոցի պողոտայի՝ Ամիրյան փողոցից մինչեւ Իսահակյան փողոցն ընկած հատվածում, ժամը 17-ից 21-ը՝ Շահումյան հրապարակում, ժամը 17–ից 22-ը՝ Սայաթ Նովայի պողոտայի՝ Մաշտոցի պողոտայից մինչեւ Տերյան փողոցն ընկած հատվածում, Տերյան փողոցի՝ Սայաթ Նովայի պողոտայից մինչեւ Թումանյան փողոցն ընկած հատվածում, Թումանյան փողոցի՝ Աբովյան փողոցից մինչեւ Մաշտոցի պողոտա ընկած հատվածում, Հյուսիսային պողոտայում:

Ժամը 22–ից 24-ը փակ կլինի Մաշտոցի պողոտայի՝ Մոսկովյան փողոցից մինչեւ Կորյունի փողոցն ընկած հատվածը:

Նշված ժամերին տրանսպորտային միջոցների՝ այդ թվում նաեւ հասարակական տրանսպորտի երթեւեկությունը կկազմակերպվի հարակից փողոցներով ։

Facebook Odnoklassniki

1730 դիտում