Audi-ն նոր քրոսովեր է պատրաստում

Audi-ում, կարծես, որոշել են օգտագործել բոլոր թվերն իրենց ինդեքսներում: А շարքում փակված են բոլոր թվերը, իսկ ահա քրոսովերների մոդելների շարքը, որոնք Ինգոլշտադտում կրում են Q ինդեքսը, դեռեւս բաց տեղեր ունի: Հերթական նորույթը կոչվելու է Q2:

Ինչպես հաղորդում է բրիտանական Auto Express պարբերականը, վկայակոչելով ընկերության աղբյուրներին, գերմանացիներն արդեն սկսել են փորձարկել իրենց ապագա ամենափոքր քրոսովերը` Q2 ինդեքսի տակ: Արդեն կան նորույթի նախնական պատկերները, եւ ըստ լուրերի, փոքր 3-դռնանին քրոսովերն արտաքինից ավելի սպորտային կլինի, քան վերջերս հայտնված 5-դռնանին Q3-ը:

Քրոսովերը պետք է բավականին թեթեւ ստացվի, որպեսզի կարողանա օգտագործել A1 շարքի շարժիչները, մասնավորապես, 1,4 լիտրանոց 4-մխոցանի տուրբոյացված շարժիչը:

Q2-ի սրահը նախատեսված է լինելու 4 անձանց համար, ետեւի նստատեղը ծալվելու  է, որպեսզի հնարավորություն լինի ձեւափոխել բեռնախցիկի տարածքը: 4-տեղանոց վիճակում դժվար թե բեռնախցիկը մեծ ստացվի, հաշվի առնելով ավտոմեքենայի չափերը:

Առաջիկա տարվա ընթացքում կցուցադրվի Audi Q2-ի կոնցեպտը, այնուհետեւ սերիական տարբերակը:

Հիշեցնենք նաեւ, որ Audi-ի պլաններում կա նաեւ Q6 քրոսովերը, որը պետք է տեղ զբաղեցնի Q5-ի եւ Q7-ի միջեւ:

Autonews.ru

Facebook Odnoklassniki

3267 դիտում