Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Երեւան: Մեդիամաքս: Այսօր ժամը 09:00-ի սահմաններում հերթական ճանապարհա-տրանսպորտային պատահարն է գրանցվել Երեւանի Աբովյան եւ Պուշկին փողոցների խաչմերուկում:
Ինչպես հաղորդում է Մեդիամաքս գործակալությունը, Աբովյան փողոցով մեծ արագությամբ երթեւեկող տաքսին խաչմերուկում բախվել է Պուշկին փողոցից դուրս եկած մեքենային ու շրջվել է: Մեր տեղեկություններով, կան վիրավորներ, որոնք տեղափոխվել են հիվանդանոց:
Աբովյան եւ Պուշկին փողոցների խաչմերուկում պատահարները գրանցվում են գրեթե ամեն շաբաթ, եւ պատճառներից մեկը լուսացույցի բացակայությունն է:
Հասկանալի է, որ այս հատվածում դասական լուսացույցի տեղադրումը կարող է խցանումներ առաջացնել, քանի որ Աբովյան եւ Պուշկին փողոցները նեղ են ու միակողմանի:
Սակայն կարծում ենք, որ ոստիկանությունը պետք է ուշադրություն դարձնի այս խնդրին ու դիտարկի տարբեր միջոցներ` այս հատվածում երթեւեկությունը կանոնակարգելու եւ այն ավելի անվտանգ դարձնելու համար:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
