KIA Quoris. նոր մարտահրավեր Եվրոպային

KIA ընկերությունը վերջապես որոշեց դիմել մարքեթինգային քայլի եւ հայտարարեց եվրոպական շուկայում իր K9 դրոշակակիրը ներկայացնելու մտադրության մասին: Մինչդեռ, սեդանների կորեական մրցակիցը Եվրոպայում եւ ԱՄՆ-ում վաճառվելու է այլ անվան տակ` Quoris: Kia-ի նորույթը կդառնա գործընկեր Hyundai ընկերության Equus-ի երկվորյակ եղբայրը: 

Եվրոպայում ներկայացուցչական դասի գերմանական սեդաններին մրցակից բերելու գաղափարը կորեացիները վաղուց էին մշակում: Hyundai Kia Automotive Group-ը կարողացավ մտահղացումն իրագործել միայն 2010 թվականին, երբ Եվրոպան նվաճելու համար շուկա դուրս հանվեց Hyundai Equus-ը: Երկու տարի անց արդեն բացված արահետով առաջ շարժվեց դրոշակակիր սեդանի կլոնը` KIA Quoris-ը: 

Ի դեպ, Quoris անվանումը անգլերեն quality («որակ») եւ core («առանցք»): «Դա շքեղության եւ բարձր տեխնոլոգիաների սինթեզ է: Այս ավտոմեքենայում բացարձակապես բոլոր դետալները լրացնում են միմյանց», - նշել է KIA-ի գործադիր փոխնախագահ Թոմաս Оհը: 

Իհարկե, չի կարելի ասել, որ նորույթը կարող է ինչ-որ կերպ զարմացնել: Մրցակիցների պես, ավտոմեքենան բառացիորեն “ողողված” է էլեկտրոնիկայով: Այսպես, Quoris-ը ստացել է ադապտիվ կրուիզ-կոնտրոլ, որը հետեւում է դիմացը շարժվող օբյեկտների արագությանը եւ հեռավորությունը մինչեւ այդ օբյեկտները: Բացի այդ, վարորդը կարող է ինքնուրույն ընտրել անհրաժեշտ հեռավորությունը ղեկին գտնվող կառավարման համապատասխան մեխանիզմների միջոցով: KIA Quoris-ը ստացել է նաեւ “կույր գոտիների” վերահսկողության համակարգ: Այն ակտիվանում է ինքնուրույն եւ կարող է զգուշացնել վարորդին կողքում գտնվող ավտոմեքենաների առկայության մասին: Կա նաեւ շրջանային տեսքի համակարգ. Սրահում գտնվող էկրանին երեւում է ավտոմեքենան եւ 360 աստիճանում նրա շուրջ գտնվող օբյեկտները:

Նորույթի եվրոպական տարբերակը կստանա միայն երկու շարժիչ. 3,8-լիտրանոց V6` 290 ձիաուժ հզորությամբ եւ 3,8-լիտրանոց տուրբոյացված ագրեգատ` 333 ձիաուժ հզորությամբ:

Ավտոմեքենան արդեն մի քանի ամիս է, ինչ վաճառվում է Հարավային Կորեայում: Մոդելի արժեքը ներքին շուկայում կազմում է մոտ 45 հազար ԱՄՆ դոլար: 

Facebook Odnoklassniki

7014 դիտում