Kia-ն ցուցադրել է նոր Cerato-ի առաջին լուսանկարները

Նոր Kia Cerato-ի էսքիզների հրապարակումից մի քանի օր անց համացանցում հայտնվեցին նաեւ ավտոմեքենայի առաջին «գեղարվեստական» լուսանկարները: Ինչպես սովորաբար լինում է նման դեպքերում, արտադրողը գերադասում է մաս առ մաս գաղտնազերծել նորույթի արտաքինը: 

Դատելով լուսարձակների եւ անիվային դիսկերի ձեւից, ինչպես նաեւ ուրվագծից, Kia Cerato-ն կժառանգի ընկերության վերջին մոդելների միտումները, ինչպես եւ պատրաստվող Kia Carens-ը եւ Kia сee’d-ի արդեն թողարկված նոր սերունդը: Ինչպես եւ այս մոդելների դեպքում, Cerato-ի արտաքինը մշակվել է ընկերության գլխավոր դիզայներ Պետեր Շրայերի` Audi-ի նախկին դիզայների կողմից, որն արդեն 6 տարի է կանոնավոր կերպով փոխում է կորեական ավտոմեքենաների արտաքինը: 

Հարազատ հարավկորեական շուկայում նոր Kia Cerato-ի վաճառքները կսկսվեն արդեն աշնանը, իսկ Եվրոպա եւ Ռուսաստան ավտոմեքենան, ամենայն հավանականությամբ, կհասնի Ամանորից առաջ: Ավելի ուշ նախատեսվում է “կուպե”, իսկ որոշ շուկաների համար նաեւ “հեթչբեք” տարբերակների արտադրությունը:

Աղբյուրը` Mail.ru

Facebook Odnoklassniki

6866 դիտում