Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Daimler ընկերությունն առանց ավելորդ աղմուկի վերացրեց իր շքեղ ավտոմեքենաների մակնիշը: Տեղեկություններն այն մասին, որ գերմանացիները կարող են գնալ այդ քայլին, համացանցում էին հայտնվել դեռեւս անցյալ տարի, սակայն հիմա «Մայբախի» ճակատագիրը որոշված է: Հատկանշական է, որ ընկերությունը նույնիսկ պաշտոնական հաղորդագրություն չարեց այդ մասին, սակայն արեւմուտքում գնացուցակներում Maybach-ի մոդելների անվան դիմաց հայտնվեց «հանված է արտադրությունից» նշումը:
Գերմանական լյուքսային մակնիշն աշխարհի հնագույն ավտոմոբիլային բրենդերից է, եւ նրա ճակատագիրը բարդ էր: Այն հայտնվեց 1909 թվականին, դարի կեսերին դադարեցրեց իր գոյությունը, իսկ 2002 թվականին Mercedes-ը վերածնեց նրան: Ենթադրվում էր, որ S-դասի բազային հիման վրա կառուցված մոնումենտալ լիմուզինները կմրցակցեն ավտոարդյունաբերության էլիտայի` Rolls-Royce-ի եւ Bentley-ի հետ: Սակայն հավակնոտ ծրագրերը չիրականացան:
Մակնիշի վերածնման ժամանակվանից, ավտոմեքենաների քանակը կազմեց ընդամենը 1500 օրինակ, եւ վերջին տարիների վաճառքների ծավալներն ընկնում էին: 2011 թվականին ողջ աշխարհում հաջողվեց վաճառել ընդամենը 160 ավտոմեքենա, որոնցից 16-ը Ռուսաստանում: Համեմատության համար Rolls-Royce-ի եւ Bentley-ի պահանջարկը մի քանի անգամ բարձր էր: Այդ մակնիշները Ռուսաստանում համապատասխանաբար վաճառել էին 69 եւ 158 ավտոմեքենա:
Բաց է մնում այն հարցը, թե արդյո՞ք Maybach մակնիշը կվերանա վերջնականորեն, թե նրան հերթական վերածնունդն է սպասում: Ըստ լուրերի, բրենդը կարող է գնել այս կամ այն ընկերությունը, որը մասնագիտացած է շքեղ ավտոմեքենաների արտադրության վրա, օրինակ, Aston Martin-ը: Սակայն կարելի է հստակ ասել, որ այսօրվա տեսքով «մայբախները», որոնց մենք սովորել էինք վերջին տարիներին, հանվեցին արտադրությունից
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
