Like
OK
Կայացավ Renault Arkana մոդելի պաշտոնական շնորհանդեսը
Դիլերներ
ՀՀ ճանապարհային ոստիկանությունում իրականացված ստուգումների արդյունքներով ծառայողական խախտումներ կատարած երկու տասնյակից ավելի ճանապարհային ոստիկաններ ենթարկվել են պատասխանատվության` ստացել են տույժեր, զգուշացվել զբաղեցրած պաշտոնին չհամապատասխանելու մասին, ուղարկվել կադրերի ռեզերվ, ծառայության տեղափոխվել այլ ստորաբաժանումներ:
Ինչպես Մեդիամաքս-ին հայտնել են Ոստիկանության լրատվական ծառայությունում, տույժեր են ստացել նաեւ ստուգման ենթարկված վաշտերի հրամանատարները: Մի շարք խախտումներով ծառայողական քննությունները շարունակվում են:
Օգոստոսի 30-ին ՀՀ ոստիկանության պետ, գեներալ-լեյտենանտ Վլադիմիր Գասպարյանը Ճանապարհային ոստիկանության աշխատակիցների հետ հանդիպման ընթացքում անդրադարձել է պարեկային անձնակազմերի կողմից ծառայողական կարգապահության, էթիկայի եւ ճանապարհային երթեւեկության կանոնների խախտման, տեսագրող եւ արագաչափ սարքերի տեխնիկական վիճակի ու սարքինության, պարեկային մեքենաների տեղաշարժի կարգը պահպանելու եւ մի շարք այլ խնդիրների:
Ոստիկանության պետը պահանջել է նաեւ վերանայել օրինազանց վարորդներին տուգանելու կարգը` նկատի ունենալով, որ քաղաքացի-դրամ-ոստիկան հարաբերությունները կոռուպցիոն ռիսկերի դաշտում են եւ վնասում են ոստիկանության հանդեպ հասարակական վստահության ամրապնդման գործընթացին:
Վլադիմիր Գասպարյանը նաեւ հայտնել է, որ Ճանապարհային ոստիկանության գործունեության ստուգումները շարունակական են լինելու, եւ հիմնավորվելու դեպքում այդ նյութերը կուղարկվեն Հատուկ քննչական ծառայություն:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
