Ռենոն 2012թ Մոսկվայի Միջազգային ավտոսրահում

Այս օրերին Մոսկվայում ընթացող միջազգային ավտոսրահում ֆրանսիական Renault ընկերությունն իրապես միացրեց Ռուսաստանի ավտոշուկայում ընկերության անցյալը, ներկան եւ ապագան. ցարական Tsarine ավտոմեքենան (մոդել XB), Duster-ը` նավիգացիայի նոր մուլտիմեդիական համակարգով, Zoe եւ Twizy էլեկտրոմոբիլները, Captur կոնցեպտը:

Renault-ի տաղավարում ներկայացված են նաեւ Renault-ի սպորտային ձեռքբերումների խորհրդանիշները` լեգենդար Renault Alpine-ը, արագ եւ հզոր Renault Megane Sport-ը եւ Ֆորմուլա-1-ի բոլիդը` RS27 շարժիչով, որը հաղթել 27 մրցավազքերում:

Ներկայացված էին նաեւ ընկերության ռուսաստանյան գործարանում արտադրվող Logan-ը, Sandero-ն, Fluence-ը եւ Duster-ը:

Renault Captur-ը 2012թ. Մոսկվայի միջզագային ավտոսրահում

Renault Captur-ն առաջին անգամ հանրությանը ներկայացվեց Մոսկվայի ավտոսրահում: Captur կոնցեպտը, որը շեֆ-դիզայներ Լոուրենս վան դեն Ակերի երկրորդ կոնցեպտն է, ցուցադրում է Renault-ի նոր դիզայնի ոճը, որը հիմք կդառնա ապագա լիաքարշակ ավտոմեքենայի համար:

Renault-ի դիզայնի նոր դարաշրջանը

Renault-ի ժամանակակից դիզայնն ուղղված է մարդուն, եւ նրա հայեցակարգը կայանում է երեք բառերում. պարզություն, զգայունություն եւ ջերմություն: Տվյալ ռազմավարությունը ներկայացված է 6 կոնցեպտների միջոցով, որոնք հիմք կդառնան Renault-ի ապագա մոդելների համար: Առաջին` DeZir կոնցեպտի գաղափարը սերն է: Captur-ը բացում է ճանապարհորդությունների գրավիչ աշխարհը: Երրորդ կոնցեպտը` R-Space-ը, մարմնավորում է ընտանեկան արժեքները: Frendzy-ն ներկայացնում է աշխատանքի աշխարհը: Երկու վերջին կոնցեպտները, հետեւելով մարդկային կյանքի ցիկլերին, կկենսագործեն “խաղի” եւ “իմաստության” գաղափարները:

Captur. դինամիկա եւ թեթեւություն

Renault Captur-ը սպորտային քրոսովեր է, որն իդելական է երիտասարդ զույգի համար, որը մեկնում է ուսումնասիրելու աշխարհն ավտոմեքենայով:
Renault Captur-ի չափերը եւ ուրվագիծը առաջացնում են շարժման եւ թեթեւության զգացողություն եւ միեւնույն ժամանակ ցուցադրում են ամենագնացի հզորությունն ու հսկայական հնարավորությունները: Captur-ը պարզապես էմոցիաներ չի առաջացնում. Նա շատ պրակտիկ եւ բազմաֆունկցիոնալ ավտոմեքենա է: Ավտոմեքենան ունի կոշտ ծալվող առաստաղ, որը հավաքվելով բացում է կարբոնե շրջանակ: Այսպիսով, Captur-ը կուպեից կարող է վերափոխվել կաբրիոլետի, քաղաքային ավտոմեքենայից` ամենագնացի, իսկ նրա ընդհանուր սպորտային դիզայնն ընդգծվում է դռներով, որոնք բացվում են դեպի վեր, եւ մեծ 22-դյույմանի սեւ-սպիտակ անիվներով: Captur-ի թափքը ներկված է արտասովոր նարնջագույն երանգով: Այդ գույնը կրկնվում է տարբեր երանգներով ինչպես դրսից, այնպես էլ ավտոմեքենայի ներսում:

Ինտերյերի ջերմությունը եւ թեթեւությունը

Նարնջագույնի թեման շարունակվում է նաեւ սրահում: Renault Captur-ի ինտերյերը շատ “բարեհամբույր” եւ հարմարավետ է: Էքստերյերում առկա թեթեւությունն այստեղ եւս նկատվում է: Ալյումինե ոտնակները, դիմացի կարբոնե անատոմիական նստատեղերը եւ կաշվե ղեկն ընդգծում են ավտոմեքենայի սպորտային բնույթը:

Ավտոմեքենայի ետեւի մասում գտնվում է բազմաֆունկցիոնալ բեռնախցիկային մասը, որտեղ ծալվող առաստաղը միանում է երեք մակարդակների վրա գտնվող պարաններին, որոնք թույլ են տալիս փոփոխել բեռնախցիկի կոնֆիգուրացիան:

Հիանալի ընթացային որակներ եւ վառելիքի քիչ ծախս

Renault Captur-ում օգտագործվում է փորձնական Energy dCi 160 շարժիչը` կրկնակի տուրբոմղիչով, որը մշակվել է նոր Energy dCi 130-ի հիման վրա: Չափերի փոքրացումը Reanult-ի` CO2 արտանետման ցուցանիշով եվրոպական առաջատար ավտոարտադրող դառնալու ռազմավարության առանցքային տարրերից մեկն է: Ներքին այրման շարժիչներով մոդելների հետ զուգահեռ արտադրվելու են նաեւ մի շարք էլեկտրական տարբերակներ, որոնք համադրում են հզորությունը վառելիքի ցածր ծախսի հետ միասին: Կրկնակի տուրբոմղիչով Energy dCi 160 շարժիչը շատ լավ ընդգրկվում է այդ ռազմավարության մեջ: Այն զարգացնում է 160 ձիաուժ հզորություն 1.6 լ աշխատանքային ծավալի դեպքում: Շարժիչն աշխատում է EDC փոխանցման տուփի հետ միասին եւ խոստանում է իրական հաճույք վարելուց եւ դրա հետ մեկտեղ CO2 արտանետման չափը կազմում է 99 գ/կմ:

Alpine A-110-ը, Megane R.S.-ը, F1 RED BULL RACING բոլիդը Մոսկվայի ավտորսահում

Առաջին անգամ Մոսկվայի ավտոսրահում ներկայացվեցին ավտոմեքենաներ, որոնք ցույց են տալիս Renault ընկերության կեսդարյա հաջողություններն ավտոսպորտում: Երեք ավտոմեքենաներ, որոնք մարմնավորում են Renault-ը ավտոսպորտի անցյալում եւ ներկայում՝ լեգենդար ավտոմեքենա Alpine А110, սպորտային Megane R.S.-ը եւ Ֆորմուլա-1-ի բոլիդ Red Bull Racing-Renault` R27 շարժիչով:

Ավտոսպորտի լեգենդ՝ Renault Alpine

Alpine A110 մոդելն անկասկած մտնում է 60-ական թվականների նշանակալի ավտոմեքենաների շարքի մեջ: Alpine-ը, որը ստեղծվել էր ռալլիում հաղթանակի համար, ուներ բնավորություն, անհատականություն: Հիանալի սպորտային բնութագրերն ապահովեցին նրա հաղթանակը բազմաթիվ ռալլիներում 1961-ից 1974 թվականներին:

Megane R.S.. Ֆորմուլա-1-ի տեխնոլոգիաները մայրուղիներում եւ քաղաքում

Megane R.S ավտոմեքենան, որը ներառեց ավտոմրցարշավերի ոլորտում ընկերության ամենաառաջադեմ ձեռքբերումները, Reanult-ի ամենաարագ սերիական ավտոմեքենան է: Համատեղելով բոլիդի բնութագրերն ամենօրյա ավտոմեքենայի հատկանիշների հետ, Megane R.S. ունի 2-լիտրանոց բենզինային շարժիչ երկաստիճան տուրբոկոմպրեսորով, որն աշխատաում է գազաբաշխման փուլերի համակարգի հետ համատեղ:

Ավտոմեքենայի առավելագույն արագութունը կազմում է 250 ձիաուժ, իսկ առավելագույն պտտեցնող պահը կազմում է 340 Ն-մ: Ավտոմեքենայի բնութագրերը թույլ են տալիս 0-ից 100կմ/շ արագություն զարգացնել 6.1 վայրկյանում:

Red Bull Racing-Renault բոլիդը՝ R27 շարժիչով

Այս տարի Renault-ն շարժիչներ եւ տեխնոլոգիաներ է մատակարարել 4 թմերի համար. Lotus F1 Team, Red Bull Racing Renault, Caterham F1 Team, Williams F1 Team: Red Bull Racing Renault թիմը Renault-ի շարժիչներն է օգտագործում 2007 թվականից եւ Renault-ի հետ միասին նվաճել է Կոնստրուկտորների եւ Պիլոտների գավաթը 2010 եւ 2011 թվականներին: R27 շարժիչը 8-մխոցանի V-աձեւ մթնոլորտային ագրեգատ է` 750 ձիաուժ հզորությամբ: Այս շարժիչը ճանաչվել է 2011 թվականի մրցաշրջանի ամենահուսալի շարժիչներից մեկը:

Renault-ի էլեկտրոմոբիլները Մոսկվայի ավտոսրահում

Մոսկվայի ավտոսրահում Renault ներկայացրեց էլեկտրական Zoe հեթչբեքը եւ քաղաքային Twizy կվադրոցիկլը:

Zoe էլեկտրոմոբիլ. նորարարություններ եւ ոճ բոլորի համար

Zoe էլեկտրոմոբիլում իրագործված են բազմաթիվ առաջադեմ տեխնոլոգիաներ, որոնք առաջին անգամ են ներկայացվում աշխարհում: Նոր Zoe-ն առանձնանում է վարորդի համար բարձր մակարդակի հարմարավետությամբ, վազքի ավելացած պաշարով եւ նոր կոմունիկացիոն հնարավորություններով: Ավտոմեքենան ունի 65 կՎտ/ 88 ձիաուժ շարժիչ, եւ 220 Ն-մ առավելագույն պտտեցնող պահով կարող է անցնել 200 կմ առանց լիցքավորման:

Zoe-ն ունի Range OptimiZEr համակարգ, որը նախատեսված է ցանկացած պայմաններում վազքի ավելացման համար: Zoe-ն առաջին էլեկտրոմոբիլն է, որը կարող է լիցքավորվել երեք տարբեր միջոցներով: Լիցքավորման ժամանակը կարող է տեւել 30 րոպեից մինչեւ 9 ժամ՝ Chameleon լիցքավորման համակարգի շնորհիվ:

Zoe-ն Renault-ի առաջին ավտոմեքենան է, որն ունի Renault R-Link մուլտիմեդիական համակարգ, որը միացնում է 7-դյույմանի սենսորային պլանշետ, նավիգացիոն համակարգ եւ այլ հատուկ ֆունկցիաներ: Ավտոմեքենայի դիզայնը հիմնվում  է երեք հիմնական սկզբունքների վրա. նորարարություն, նրբագեղություն եւ էկոլոգիա: Renault-ի գլխավոր տնօրեն Կարլոս Գոնի խոսքերով, «Zoe-ն կդառնա Renault Z.E շարքի հիմքը: բացի կոմպակտ չափերից, գրավիչ դիզայնից եւ մատչելի գնից, ավտոմեքենան ցուցադրում է Renault-ի տեխնոլոգիական գերակայությունը էլեկտրոմոբիլների ոլորտում»:

Twizy էլեկտրահեղափոխությունը

Twizy-ն մշակվել է զրոյից որպես լիովին էլեկտրական քաղաքային ավտոմեքենա, եւ այսօր պարզապես չունի իր նմանակը:

Նախատեսված լինելով ինչպես տղամարդկանց, այնպես էլ կանանց, երիտասարդության եւ պրոֆեսիոնալ վարորդների համար, Twizy-ն չունի հստակ թիրախային խումբ, բացի այն ավտոսիրողներից, որոնք ցանկանում են ավտոմեքենա, որը ոչ միայն նման չէ մնացածին, բայց նաեւ տնտեսող է, էկոլոգիական եւ իրական հաճույք է պատճառում վարելուց: Twizy-ն քաղաքի բնակիչներին առաջարկում է նոր օրիգինալ տրանսպորտային որոշում` մեկ կամ երկու մարդու համար: Գերկոմպակտ չափերի (երկարությունը՝ 2,34 մ/ լայնությունը՝ 1,24 մ) եւ ծանրության շատ ցածր կենտրոնի շնորհիվ Twizy-ն կարող է սողոսկել ամենանեղ տեղերով եւ շատ հեշտ կայանվել: Ավտոմեքենային անհրաժեշտ է 6 վայրկյանից քիչ ժամանակ մինչեւ 45 կմ/ժ արագություն զարգացնելու համար: Twizy-ն թույլ է տալիս մոտ 25% կրճատել սովորական քաղաքային ճանապարհորդության ժամանակը, ներառյալ կայանումը, միաժամանակ, ամենեւին չավելացնելով վառելիքի ծախսը: Twizy-ն առաջարկվում է երկու տարբերակներով.

• Twizy 45, որի համար որոշ երկրներում չի պահանջվում վարորդական իրավունք, 4 կՎտ (5 ձիաուժ), առավելագույն պտտեցնող պահը 33 Ն-մ` 45 կմ/ժ առավելագույն արագության սահմանափակմամբ:
• Twizy 80 13 կՎտ (17 ձիաուժ), առավելագույն պտտեցնող պահը 57 Ն-մ եւ առավելագույն արագությունը 80 կմ/ժ:

Renault Duster-ը նոր մուլտիմեդիական համակարգով

Մոսկվայի ավտոսրահում Renault-ն ներկայացրեց նոր ներդրված նավիգացիոն համակարգ:

Duster ամենագնացի համար մշակված MEDIA NAV մուլտիմեդիական համակարգը նման կարգի առաջին համակարգն է, որն առաջարկվելու է մատչելի ամենագնացների սեգմենտի ավտոմեքենաների հետ:

MEDIA NAV-ը խելացի եւ արդյունավետ համակարգ է, որը թույլ է տալիս կառավարել ռադիոն, միացնել շարժական երաժշտական սարքերը, աշխատել Bluetooth-ի միջոցով եւ ունի ինտեգրացված նավիգատոր 7-դյույմանի (18 սմ) սենսորային էկրանի վրա: Հասկանալի եւ հուսալի ժամանակակից համակարգը ներառում է ամեն անհրաժեշտ բան հարմարավետ վարման համար: Bluetooth® տեխնոլոգիան թույլ է տալիս.

• զանգեր կատարել «ազատ ձեռքեր» ռեժիմում` օգտագործելով հասցեների գիրքը եւ սինխրոնիզացնելով զանգերի ցանկը,
• լսել շարժական երաժշտական սարքերը ավտոմեքենայի դինամիկների միջոցով:

USB-պորտի միջոցով կարելի է միացնել iPod կամ սմարթֆոն եւ կառավարել այն ղեկի տակ գտնվող ջոյսթիկի միջոցով:

Նավիգացիոն համակարգը մատչելի կլինի 2013 թվականի մոդելային շարքի ավտոմեքենաներում: MEDIA NAV-ով ավտոմեքենաների գները եւ վաճառքների մեկնարկը կհայտարարվի ավելի ուշ:

Facebook Odnoklassniki

4998 դիտում