Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Փարիզի միջազգային ավտոսրահում Renault-ն ներկայացրեց նոր Clio, Clio Estate եւ Clio R.S. 200 EDC մոդելները, որոնք կհամալրեն մեքենաների շարքն արդեն հաջորդ տարի: Այս ավտոմեքենաների համար Renualt-ն լիովին թարմացրել է նաև շարժիչների մոդելները: Ավտոսրահում ներկայացվել են դրանցից երկուսը` նոր Energy ագրեգատը եւ բենզինով սնուցվող, վառելիքի ուղղակի ներարկմամբ EDC տրանսմիսիայով տուրբինային շարժիչը: 2012-ի Փարիզի միջազգային ավտոսրահում ներկայացված Renault-ի ցուցադրության տաղավարը լիովին նոր կոնցեպցիա է: Այստեղ արտացոլվում է ընկերության նորարարության և արդիականության ոգին: Այդուհանդերձ ընկերությունը հավատարիմ է մնում իր հիմնարար սկզբունքներին, ինչպիսիք են հասանելիությունն ու հյուրընկալությունը բոլորի համար:
«Renault ընկերություն է, որի գործունեությունը որպես հիմնարար արժեք ուղղված է մարդուն: Ջերմությունն ու զգայականությունը արտացոլվում են Renault-ի դիզայնում: Բացի այդ, Renault-ն ստեղծված է բոլորի համար, այդ պատճառով մեր դիզայնը պետք է պարզ եւ հասկանալի լինի: Ոգեշնչված DeZir եւ ZOE կոնցեպտ ավտոմեքենաներից՝ սահուն գծերով եւ «էլեկտրո» ոճի գեղեցկությամբ նոր Clio-ն արտահայտում է դիզայնի նկատմամբ մեր նոր մոտեցումը, որը կդառնա հետագա մոդելների ուղենիշը», - ասում է Renault-ի գլխավոր դիզայներ Լոուրենս վան դեն Ակերը:
Նույն տաղավարում հանգրվանած նոր Clio եւ ZOE ավտոմեքենաները Renault-ի նորարարության ձգտման վառ օրինակներ են: Այս ավտոմեքենաներում օգտագործվում են բազմազան նորագույն տեխնոլոգիաներ եւ համակարգեր:
- Renault R-Link-ը սենսորային հարթակ է կառավարման վահանակի վրա, որն իրենից ներկայացնում է լիովին նոր կոմունիկացիոն մակարդակ, որը մեքենան կապում է շրջակա աշխարհի հետ: Այն ներառում է նավիգացիոն մուլտիմեդիա համակարգ, համալիր ինտերակտիվ ծրագրեր եւ բազում այլ գործառույթներ:
- Նոր Clio-ի համար առաջարկվում են մասնագիտական փորձի հիման վրա ստեղծված նոր շարժիչներ, որոնք աշխատում են Formula 1-ի համար: Փարիզյան ավտոսրահում հանրությանը առաջին հերթին ներկայացվել են բենզինի վառելիքով աշխատող Renault EDC տրանսմիսիայով երկու շարժիչ: TCe 120 EDC-ը՝ նախատեսված Clio-ի բարձրակարգ մեքենաների համար, և T Renault Sport 200-ը՝ նախատեսված նոր Clio R.S. 200 EDC-ի համար:
- ZOE-ի նախագծման և ստեղծման ընթացքում Renault-ն մոտ 60 պատենտ է գրանցել: ZOE-ն հանդիսանում է Renault-ի առաջին ավտոմեքենան, որն ի սկզբանե մշակվել է որպես էլեկտրամոբիլ. նրանում օգտագործվել են էլեկտրական տրանսպորտի ոլորտում Renault-ի օրիգինալ լուծումները:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
