Փոփոխություններ Երեւանի երթուղային ցանցում. երթուղային տաքսիներին կփոխարինեն ավտոբուսները

Երեւան: Մեդիամաքս: Երեւանում ուղեւորափոխադրման աշխատանքներն ընդգրկուն դարձնելու նպատակով մի շարք միկրոավտոբուսային երթուղիներ փակվել կամ փոխարինվել են ավտոբուսներով:

Ինչպես այսօր հայտնել է Երեւանի քաղաքապետարանի տրանսպորտի վարչության պետ Հենրիկ Նավասարդյանը, նոր երթուղային ցանցի համաձայն, փակվել են  համար 93, 102, 109, 110 միկրոավտոբուսային երթուղիները, իսկ համար 111 եւ 91 միկրոավտոբուսային երթուղիների փոխարեն շահագործվում են, համապատասխանաբար, 11 եւ 31 համարների ավտոբուսային երթուղիները:

Վերականգնվել է նախկինում գործով համար 14 ավտոբուսային երթուղին, բացվել են նոր ավտոբուսային համար 65 եւ միկրոավտոբուսային համար 26 երթուղիները:

Տրանսպորտի վարչության պետի փոխանցմամբ, ներկայումս Երեւանում գործում է  շուրջ 2100 միկրոավտոբուս, 580 ավտոբուս:  Անդրադառնալով ուղերթների միջեւ ժամանակահատվածին` Հենրիկ Նավասարդյանը  նշել է` ավտոբուսների դեպքում նախատեսվում է 10-12, միկրոավտոբուսների` 5-7 րոպե:

Facebook Odnoklassniki

7970 դիտում