Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Մենք արդեն հայտնել էինք, որ Renault ընկերության հրավերով Auto.am-ի ներկայացուցիչը սեպտեմբերի 25-28-ը գտնվում էր Փարիզի Միջազգային ավտոսրահում: Այսօր կներկայացնենք մեր տպավորություններն ավտոսրահից, ցուցահանդեսում ներկայացված նորույթները եւ ֆոտոշարքեր դրանց մասին:
Այցելուների համար Փարիզյան ավտոսրահը բացվեց սեպտեմբերի 29-ին, իսկ սեպտեմբերի 27-ը եւ 28-ը հատուկ օրեր էին լրատվամիջոցների համար: Ցուցահանդեսն անցկացվում է Փարիզի ամենամեծ ցուցասրահներից մեկում` Paris Expo Porte de Versailles-ում:
Բոլոր լրատվամիջոցների կարծիքով, Փարիզի ավտոսրահն ամենաներկայացուցչականն էր այս տարվա ընթացքում: Մոտ 100 ներկայացված ավտոմեքենաներ, բազմաթիվ պրեմիերաներ, հարյուրավոր լրագրողներ եւ միլիոնից ավելի սպասվող այցելուներ:
Այցելուներն ավտոսրահի գլխավոր ու ամենասպասելի հյուրերն են: Ավտոարտադրողների համար հիմա բավականին ծանր ժամանակներ են, եւ նման ցուցահանդեսները լավ միջոց են գնորդների “ախորժակը բացելու” համար:
Փարիզյան ավտոսրահն առավել կարեւոր էր հենց ֆրանսիական ավտոարտադրողների համար: Հենց այդ ժամանակ հայտարարվեց, որ Peugeot-Citrօen ալյանսը մտադիր է կրճատել մոտ 8.000 աշխատատեղ: Համեմատաբար լավ պայմաններում է գտնվում ամենահեղինակաոր ֆրանսիական ավտոարտադրողը` Renault-ն, որին եւ պատկանում էր ամենամեծ տաղավարը Փարիզի ավտոսրահում:
Մենք կկենտրոնանանք այն ատվոբրենդերի վրա, որոնք ներկայացված են Հայաստանում: Դրանք են` Renault, Peugeot, Dacia (Renault), Nissan, Infiniti, Ford, Chevrolet, Ford, Land Rover, Audi, BMW, Mercedes-Benz, Hyundai, Kia, Porsche, Suzuki, Toyota, VW, Volvo, ինչպես նաեւ Honda-ն, որը շուտով կբացի իր առաջին ավտոսրահը Հայաստանում:
Տանտիրոջ իրավունքով, առաջինն իր նորույթը ներկայացրեց Reanult-ն: Կարելի է ասել, որ այս ցուցահանդեսը Renault-ի համար վերջին տարիների ամենակարեւոր ավտոսրահներից մեկն է: Renault-ը ներկայացրեց լիովին նոր Clio-ն, որի մասին արդեն պատմել ենք մեր հատուկ ռեպորտաժում:
Նորույթը ներկայացնելու համար ավտոսրահ էր եկել Renault-Nissan ռազմավարական դաշինքի ղեկավար Կարլոս Գոնը: Այս մարդն իր մենեջերական ունակությունների շնորհիվ համարվում է ավտոաշխարհի “Սթիվ Ջոբսը”, եւ այն, որ նա անձամբ է ներկայացնում Renault-ի վերջին տարիների ամենակարեւոր նորույթը, ընդգծում է այս մոդելի կարեւորությունը կոնցերնի համար: Նշենք, որ Renault Clio–ն նախատեսված չէ մեր տարածաշրջանի համար:
Renault-Nissan ալյանսի ամենահաջող բրենդերից մեկի` Dacia-ի սրահը գտնվում էր հենց Renault-ի կողքին, որտեղ կայացավ նոր Logan-ի շնորհանդեսը: Այս մեքենան մեր համար շատ հետաքրքիր է, քանի որ վաճառվելու է Հայաստանում: Ինչպես մեզ հայտնեցին Renault-ի պաշտոնական ներկայացուցիչ Մեգնա ընկերությունում, նոր Logan-ի վաճառքները Հայաստանում կարող են մեկնարկել 2013թ. սկզբին: Նոր Logan-ը կունենա նոր TCe-90 տուրբոշարժիչ` 898 ծավալով եւ 90 ձիաուժ հզորությամբ: Բացի այդ, կլինի նաեւ ավելի հզոր 1,2 լիրանոց բենզինային 75 ձիաուժանոց եւ 1,5 լիտր ծավալով տուրբոդիզելային շարժիչներ:
Renault-ի մեծ սրահի կողքին գտնվում էր ալյանսի մյուս խոշոր բրենդի` Nissan-ի սրահը, որը նույնպես ներկայացված էր իր հարուստ մոդելային շարքով:
Սրահի կենտրոնում իսկույն աչքի էր ընկնում TeRRA “կանաչ” քրոսովերի կոնցեպտը: Այս կոնցեպտը կարելի է համարել Nissan-ի ամենահետաքրքիր ցուցադրումներից մեկը: Փաստորեն, TeRRA-ն կլինի Nissan –ի առաջին ջրածնային էլեմենտներով էլեկտրական քրոսովերը: Nissan-ը հպարտությամբ ցուցադրում է իր 100% լիովին էլեկտրական մեքենան, որն, ի դեպ, Վրաստանի նախագահի կողմից սիրված մեքենան է: Մի լիցքավորմումը բավականացնում է 117 կիլոմետր վազքի համար: Հայաստանում ավտոմեքենան դեռ չի վաճառվում:
Իհարկե, խոսելով Nissan-ի մասին, չենք կարող չհիշատակել Infiniti-ն: Nissan-ի պրեմիում դասի ստորաբաժանումը եւս ներկայացել էր մի քանի կոնցեպտներով:
Պակաս տպավորիչ չէր նաեւ ֆրանսիական մեկ այլ արտադրողի` Peugeot-ի տաղավարը: Մեր կարծիքով, ամենագեղեցիկ, տպավորիչ եւ հուզող կոնցեպտը հենց Peugeot-ինն էր: Peugeot-ի սրահի մեծությունը մոտ 4 հեկտար էր կազմում, որտեղ ներկայացված էին գրեթե բոլոր սերիական մոդելները եւ, ինչպես նշեցինք, ամենատպավորիչ կոնցեպտները:
Մեր հաջորդ ռեպորտաժում կներկայացնենք Փարիզի ավտոսրահում ներկայացված մյուս բրենդերը եւ նորույթները:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
