Like
OK
Կայացավ Renault Arkana մոդելի պաշտոնական շնորհանդեսը
Դիլերներ
“Վեկար” ՍՊԸ-ն առաջին անգամ ներկայացնում է աննախադեպ աճուրդ-վաճառք: Այս էջում կարող եք ծանոթանալ աճուրդի ներկայացված մոդելների նկարագրությանը, դրանց նախնական արժեքին եւ աճուրդի այլ մանրամասներին:
Աճուրդը տեղի կունենա 2012թ. դեկտեմբերի 28-ին, ՀՀ. ք. Երեւան, Կոմիտասի պողոտա 47 հասցեում գտնվող ավտոսրահում: Աճուրդի կհանվեն 2010 թ. արտադրության, նոր, չշահագործված, Chevrolet Spark մակնիշի ավտոմեքենա` 990000 /ինը հարյուր իննսուն հազար/ ՀՀ դրամ մեկնարկային գնով, եւ Chevrolet Orlando մակնիշի ավտոմեքենա` 2990000 /երկու միլիոն ինը հարյուր իննսուն հազար/ ՀՀ դրամ մեկնարկային գնով` վերոգրյալ հերթականությամբ: Նշված ավտոմեքենաների նկատմամբ որեւէ սահմանափակում առկա չէ եւ դրանք ազատ են երրորդ անձանց որեւէ իրավունքներից: Աճուրդը կմեկնարկի ժամը 14.00-ին: Լոտերում ընդգրկված ավտոմեքենաները հնարավոր կլինի ուսումնասիրել մինչեւ աճուրդի անցկացման օրը` ցանկացած աշխատանքային օր, ՀՀ. ք. Երեւան, Հալաբյան 18 հասցեում գտնվող ավտոսրահում, ժամը 10.00-ից մինչեւ 18.00-ն: Աճուրդն անց է կացվելու դասական եղանակով` որպես ընդհանուր աճուրդ, բաց սակարկությունների միջոցով: Ցանկացած մասնակից իրավունք ունի, նախքան աճուրդավարի մուրճիկի երրորդ հարվածը, ներկայացնել նոր գնային հայտ, որը պետք է գերազանցի մասնակիցների կատարած նախորդ գնային հայտը` նվազագույն հավելման չափով: Որպես նվազագույն հավելման չափ սահմանվում է 100000 /հարյուր հազար/ ՀՀ դրամը: Աճուրդում հաղթող կճանաչվի այն մասնակիցը, որը աճուրդավարի մուրճիկի երրորդ հարվածից առաջ տվյալ լոտի համար կներկայացնի վերջին ամենաբարձր գնային հայտը: Գնային հայտ ներկայացնելը կատարվելու է մասնակցին տրամադրված համապատասխան համարը գլխավերեւում բարձրացնելով:
Լոտի (լոտերի) վաճառքից հետո հաղթողը եւ կազմակերպիչը ստորագրում են աճուրդի արդյունքների մասին արձանագրությունը եւ առուվաճառքի պայմանագիր, ինչից հետո տվյալ լոտի վերաբերյալ աճուրդը համարվում է ավարտված: Աճուրդում հաղթող ճանաչված մասնակիցն աճուրդի արդյունքների մասին արձանագրությունն ու առուվաճառքի պայմանագիրը ստորագրելու պահին պարտավոր է վճարել լոտի գինը` հաշվանցելով մուծված նախավճարի գումարը:
Աճուրդին մասնակցելու համար անհրաժեշտ է www.autogroup.am ինտերնետային կայքում ընտրել ձեզ հետաքրքրող լոտը, անցնել համապատասխան էջին եւ նախնական գրանցվել առցանց տարբերակով: Գրանցման բոլոր դաշտերը պարտադիր են լրացման համար: Յուրաքանչյուր մոդելի էջում կգտնեք մանրամասն տեղեկություններ մեքենայի մասին:
Գրանցումից հետո Դուք կստանաք էլեկտրոնային հաղորդագրություն Ձեր նախնական գրանցման վերաբերյալ: Հեռախոսազանգի միջոցով նաեւ մենք կհրավիրենք Ձեզ ստանալու աճուրդի մասնակցի վկայական եւ համար: Նշված վկայականի ստացման ժամանակ ֆիզիկական անձինք պետք է ներկայացնեն անձնագիր, իսկ իրավաբանական անձինք պետք է ներկայացնեն իրենց հիմնադիր փաստաթղթերը /կանոնադրություն, հիմնադիր պայմանագիր կամ որոշում, պետական գրանցման ռեգիստրի վկայական, ինչպես նաեւ տնօրենի անձնագիրը` եթե աճուրդին մասնակցելու է տնօրենը, կամ համապատասխան պատշաճ լիազորագիր` եթե աճուրդին մասնակցելու է իրավաբանական անձի լիազորված անձը/: Մինչեւ մասնակցի վկայական ստանալը, անձը պարտավոր է վճարել նաեւ նախավճար` 20000 /քսան հազար/ ՀՀ դրամի չափով` կանխիկ կամ բանկային փոխանցման ձեւով: Վճարվող գումարը կվերադարձվի աճուրդում հաղթող չճանաչված բոլոր մասնակցիներին:Աճուրդի մասնակցի վկայական ստանալու պահին` ցանկության դեպքում, մասնակիցը կարող է ծանոթանալ նաեւ աճուրդի անցկացման կանոնակարգին եւ ստանալ դրա պատճենը:
Աճուրդի այլ մանրամասներին ծանոթանալու, ինչպես նաեւ էլեկտրոնային նախնական գրանցումից հետո մասնակցի վկայական եւ համար ստանալու նպատակով խնդրում ենք այցելել ք. Երեւան, Կոմիտաս 47 հասցեում գտնվող ավտոսրահ կամ զանգահարել 010 23 11 18, 091 23 11 18 հեռախոսահամարներով:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
