Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Երեւան: Մեդիամաքս: Լենինգրադյան փողոց- Իսակովի պողոտա ճանապարհային հանգույցի շինարարությամբ պայմանավորված՝ փետրվարի 17-ից ժամանակավորապես կդադարեցվի տրանսպորտային երթեւեկությունը Լենինգրադյան փողոցից դեպի Ծիծեռնակաբերդի խճուղի եւ Կիեւյան փողոց ուղղություններով:
Այս մասին այսօր հայտնել են Երեւանի քաղաքապետարանից:
Որպես այլընտրանք առաջարկվում է Լենինգրադյան, Շինարարների, Արզումանյան, Հալաբյան փողոցներ, այնուհետեւ դեպի Կիեւյան փողոց կամ Ծիծեռնակաբերդի խճուղի ուղղությունը:
Լրացուցիչ ծանրաբեռնվածությունից խուսափելու նպատակով՝ Շինարարների փողոցից դեպի Հալաբյան փողոց երթեւեկությունն Արզումանյան փողոցում կկազմակերպվի միակողմանի:
Թ.18 եւ 46 միկրոավտոբուսային, ինչպես նաեւ թ.28 ավտոբուսային երթուղիներն այս հատվածը ժամանակավորապես կանցնեն Հալաբյան, Էստոնական, այնուհետեւ Շինարարների փողոցներով:
Պատճառած ժամանակավոր անհարմարությունների համար քաղաքապետարանը հայցում է քաղաքացիների ներողամտությունը:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
