Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Երեւան: Մեդիամաքս: ՀՀ կառավարությունն իր այսօրվա նիստում հաստատել է տաքսիներով ուղեւորափոխադրումների վերաբերյալ իրավական ակտերի փաթեթը:
Ինչպես հաղորդում է Մեդիամաքս-ը, Օրենսդրության կարգավորման ազգային կենտրոնի տնօրեն, “Կարգավորիչ գիլյոտին” ծրագրի ղեկավար Արմեն Եղիազարյանը ներկայացրել է տաքսի ծառայությունում իրականացված որոշ կարգերի պարզեցումները եւ տարբեր կառույցներից արված առաջարկները:
Այսպես, տաքսի շահագործելու համար սեփականատերը լիցենզիա կստանա 5 օրվա ընթացքում՝ նախկին 30 օրվա փոխարեն: Նոր կարգերի համաձայն, դեղին պետհամարանիշները փոխարինվել են սպիտակով, իսկ որպես տարբերանշան կօգտագործվի դիմապակուն փակցված ինքնակպչուն կտրոնը:
Բացի այդ, ֆիզիկական անձը հնարավորություն կունենա զբաղվել ուղեւորափոխադրումներով առանց գրանցվելու, Երեւանում տաքսի մեքենա շահագործելու համար նա կվճարի 12 հազար դրամ, այլ վայրերում՝ 4 հազար դրամ: Հստակեցվել են նաեւ վարորդներին վերաբերող պահանջները, մասնավորապես, նրանց արտաքին տեսքը, պահելաձեւն ուղեւորների հետ:
Պարզեցման արդյունքում հանվել է նաեւ վճարը վարորդների ամենօրյա բուժզննման եւ մեքենաների տեխզննման համար, որը նախկինում գանձվում էր համապատասխան կազմակերպությունների կողմից. արդյունքում վարորդները կխնայեն տարեկան 120-180 հազար դրամ:
Արմեն Եղիազարյանը նշել է, որ իրականացված պարզեցումների արդյունքում տաքսի ծառայությունները տարեկան կտրվածքով կխնայեն շուրջ 1,5 մլրդ դրամ, բացի այդ, ստեղծվում են բարենպաստ պայմաններ միկրո եւ փոքր բիզնեսի համար:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
