Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Ապրիլի 14-ին առաջին անգամ Հայաստանում Նուբարաշենի հրաձգարանում տեղի ունեցավ Jeep Trophy Sprint տիպի միջազգային բաց մրցարշավ «Motul Quadra Drive 2013» խորագրով: Մրցարշավը կազմակերպել էին «Ադրենալին» էքստրեմալ սպորտաձեւերի ֆեդերացիան եւ «Նակօյլ» ընկերությունը իր Motul ապրանքանիշի ավտոյուղերով՝ Հայաստանի ավտոմոբիլային ֆեդերացիայի աջակցությամբ: Մրցարշավին բացի հայ մարզիկներից ներկա էին մարզիկներ Վրաստանից, Իրանից, Թուրքիայից: Ստանդարտ դասի համար նախատեսված էր 1100 մ երկարությամբ մրցուղի, իսկ սպորտ դասի համար՝ 1280 մ: Հաղթող էր ճանաչվելու այն մասնակիցը, ով բոլորից շատ պտույտներ կաներ մրցուղում:
Ներկայացված ստանդարտ դասում hաղթեցին՝
1. Սարգիս Մելիքյանը՝ Pajero IO մեքենայով,
2. Դավիթ Մովսիսյանը՝ Niva մեքենայով,
3. Անդրանիկ Աբրահամյանը՝ Pajero IO մեքենայով:
Իսկ սպորտ դասում հաղթեցին՝
1. Լյուդվիգ Երմազյանը՝ Jeep Wrangler մեքենայով,
2. Դավիթ Մարտիրոսյանը՝ Toyota LC 73 մեքենայով,
3. Ստեփան Ստեփանյանը՝ Jeep Grand Cherokee մեքենայով:
«Նման բարձր մակարդակ չէի սպասում, առաջին անգամ եմ Հայաստանում, հիացած եմ հայ մարզիկների պատրաստվածությամբ: Ափսոս, որ չհաղթեցինք, բայց ոչինչ, հաջորդ անգամ ավելի պատրաստված կգանք» - ասաց իրանցի մասնակից Հասան Հաչին:
«Սա նման տիպի մրցույթ կազմակերպելու մեր առաջին փորձն էր, մեր սպասածից ավելի լավ արդյունք ստացանք: Հետագայում նման մրցույթները շարունակական կլինեն » - ասաց «Ադրենալին» էքստրեմալ սպորտաձեւերի ֆեդերացիայի նախագահ Արտաշես Ստեփանյանը:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
