Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Հունիսի 1-ին «ԿԱՐԿՈՄԱՎՏՈ» ընկերությունը երեխաների պաշտպանության միջազգային օրվա կապակցությամբ բարեգործական միջոցառում էր կազմակերպել Երեւանի «Մարի Իզմիրլյանի» անվան հատուկ կարիքներով երեխաների մանկատանը:
Միջոցառումն անցկացվել էր «ԿԱՐԿՈՄԱՎՏՈ» ընկերության տնօրեններ Աշոտ եւ Կարեն Շախմուրադյան եղբայրների նախաձեռնությամբ: Մանկատան սաների համար նախապատրաստվել են անակնկալ նվերներ՝ զանազան քաղցրավենիքի ու խաղալիքների տեսքով, տոնական հյուրասիրություն, բազմազան խաղեր եւ զվարճանքներ՝ հատուկ հրավիրված խաղավարների ու հեքիաթների հերոսների մասնակցությամբ: Մանկատանն են տրամադրվել նաեւ հատուկ կարիքներ ունեցող երեխաների հետ վերականգնողական թերապիայի եւ բուժման իրականացման համար նախատեսված հատուկ մարզական միջոցները:
“Որպես գործարար աշխարհի ներկայացուցիչներ եւ որպես մարդիկ առհասարակ՝ մենք մեր պարտքն ենք համարում այսօր լինել մանկատան երեխաների կողքին եւ ջանք չխնայել՝ նրանց տոնը ջերմ ու հիշարժան դարձնելու համար: Այս միջոցառումն առաջին հերթին մանկատան սաների համար տոնական միջավայր ու տրամադրություն ստեղծելու, ինչպես նաեւ նրանց բարեկեցությունն ապահովելու նպատակ ունի”, - նշել է “ԿԱՐԿՈՄԱՎՏՈ” տնօրեն Կարեն Շախմուրադյանը:
Աշխատակազմի ներկայացուցիչները ողջ ընթացքում իրենց ակտիվ մասնակցությունն են ունեցել բոլոր խաղային, պարային ու ժամանացային միջոցառումներին՝ ջերմություն, հոգատարություն, ժպիտներ ու վառ տպավորություններ պարգեւելով մանուկներին:
Ընկերության ներկայացուցիչները մանկատան տնօրինության հատուկ հրավերով այսուհետ եւս ներկա կգտնվեն եւ մանկատան մանուկների կողքին կլինեն հետագա միջոցառումների, հանդեսների ու բեմականացումների ընթացքում:
«ԿԱՐԿՈՄԱՎՏՈ» ընկերությունը ջերմությամբ շնորհավորում է բոլոր մանուկներին երեխաների պաշտպանության միջազգային տոնի կապակցությամբ:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
