Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Հունիսի 25-ին ժամը 12:00-ին Զաքարիա Քանաքեռցի 126 հասցեում կկայանա ՕՄՎԼ Արմենիա ընկերության բացման արարողությունը, որը հանդիսանում է իտալական OMVL spa ընկերության պաշտոնական եւ բացառիկ ներկայացուցիչը Հայաստանում: Ընկերության բացման արարողությանը ներկա են լինելու հյուրեր ՀՀ գործարար աշխարհից, OMVL spa ընկերության վաճառքի տնօրեն պարոն Անդրեա Վարիսկոն: Արարողության պատվավոր հյուրն է Հայաստանում Իտալիայի դեսպան Պարոն Բրունո Սկապինին:
OMVL ընկերությունը հիմնադրվել է 1976 թվականին եւ համաշխարհային շուկայում առաջնային դիրքեր է զբաղեցնում ներքին այրման շարժիչների համար նախատեսված գազաբալոնային համակարգերի արտադրության ոլորտում: Ներկայումս OMVL ընկերությունը պատկանում է կանադական Westport Innovation ընկերությանը, որը հանդիսանում է գազային շարժիչների նախագծման եւ արտադրության համաշխարհային առաջատար: Westport ընկերությանն են պատկանում գազային շարժիչների տեխնոլոգիական պատենտների ամենամեծ քանակը աշխարհում:
Հայաստանում ավտոմեքենաների մոտ 75 տոկոսը աշխատում է բնական գազով, ինչը յուրահատուկ ռեկորդ է եւ պայմանավորված է բնական գազի մատչելիությամբ, բենզինի բարձր գներով: Բավականին մեծ պահանջարկ ունեցող գազաբալոնային համակարգերի հայկական շուկան ուսումնասիրելուց հետո ընկերությունում եկել են այն եզրակացության, որ OMVL–ը կարող է առաջարկել որակապես նոր, տեխնիկապես առավել արդիական լուծումներ:
Տեղադրված համակարգերի հիմնական բաղադրիչները նախագծված են եւ արտադրված իտալական OMVL ընկերության կողմից` երաշխավորելով աշխատանքի օպտիմալ ներդաշնակեցում որպես մեկ միասնական համակարգ: Հավելյալ բաղադրիչները արտադրված են հայտնի EMER, Valtek եւ Sicom ընկերությունների կողմից, որոնք եւս իտալական են եւ պատկանում են Westport Innovation ընկերությանը:
OMVL Armenia ընկերությունը իրականացնում է տրանսպորտային միջոցների գազաբալոնային համակարգերի հետ կապված ծառայությունների ողջ շղթան՝ տեղադրում, փորձարկում եւ կարգավորում: Տիրապետում է ոչ միայն բենզինային շարժիչների, այլ նաեւ դիզելային շարժիչների փոխակերպման տեխնոլոգիաներին, որը նորամուծություն է Հայաստանյան շուկայում եւ մեծ պահանջարկ ունի ժողտնտեսության այնպիսի ոլորտներում, ինչպիսիք են հասարակական տրանսպորտը, շինարարությունն ու հանքարդյունաբերությունը:
Բացի շարժիչների փոխակերպումից OMVL Armenia-ն առաջարկում է մեկ այլ փոխկապակցված ծառայություն՝ իտալական գործընկերների հետ համատեղ նախագծում եւ տեղադրում է Sicom եւ Graf ընկերությունների մինի եւ ամբողջական գազալցակայաններ: Այդ գազալցակայանները հետաքրքիր են մեր շուկայի համար, քանի որ ոչ միայն արդիական են, այլ նաեւ գնային առումով համեմատաբար մատչելի:
Գործունեություն ծավալելով Հայաստանում` OMVL Armenia ընկերությունը շեշտը դրել է ոչ միայն վերջին սերնդի բարձրակարգ համակարգերի եւ կոմպոնենտների ներդրման, այլ նաեւ բարձրակարգ սպասարկման եւ անվտանգության վրա: Ընկերության մասնագետները ընտրվել են հատուկ ընտրակարգով եւ վերապատրաստվել OMVL ընկերության մասնագետների կողմից: Ընկերությունը իր տեղադրված համակարգերին ապահովում է 2 տարվա երաշխիքային սպասարկում, որը նույնպես բացառիկ է:
Ստեղծվել են համապատասխան պայմաններ ոչ միայն մեքենաների սպասրկման համար, այլ նաեւ հարմարավետ պայմաններ հաճախորդի համար:
Գործում է ապառիկ վաճառքի ճկուն համակարգ: Կորպորատիվ հաճախորդներին տրամադրվում են զգալի զեղչեր:
Մանրամասների համար զանգահարել 010 20 77 78
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
