General Motors-ը կարող է Isuzu-ին վաճառել իր ակտիվների մի մասը

Ոչ պաշտոնական տվյալներով, ԱՄՆ խոշորագույն ավտոարտադրող General Motors ընկերությունը բանակցություններ է վարում ճապոնական Isuzu Motors Ltd.-ի հետ` վերջինիս բեռնատարերի արտադրության իր բիզնեսը վաճառելու վերաբերյալ: Ինչպես հաղորդում է ճապոնական NHK հեռուստաալիքը, Isuzu Motors-ը դեռեւս զգուշավոր մեկնաբանություններ է անում առաջարկի վերաբերյալ:

General Motors նման քայլը պայմանավորված է արտադրությունը վերակազմավորելու ձգտմամբ` աշխատանքն առավել արդյունավետ դարձնելու համար:

General Motors-ի մաքուր կորուստները 2008 թվականի 1-ին կիսամյակի արդյունքներով կազմել են 18,7 մլրդ. դոլար, մինչդեռ նախորդ տարվա նույն ժամանակահատվածում ընկերությունը ստացել էր մաքուր շահույթ` 953 մլն դոլարի չափով:

Isuzu Motors- ի մաքուր շահույթը 2008-2009 ֆինանսական տարվա առաջին եռամսյակում, որն ավարտվել էր այս տարվա հունիսի 30-ին, նվազել էր 16,4%-ով` 17,69 մլրդ յեն (165 մլն դոլար): Ընկերության վաճառքների ծավալը 2008-2009 ֆինանսական տարվա առաջին եռամսյակում աճել է 3,3%-ով եւ կազմել է 415,2 մլրդ յեն (3,87 մլրդ դոլ.):

Facebook Odnoklassniki

2915 դիտում