Like
OK
Կայացավ Renault Arkana մոդելի պաշտոնական շնորհանդեսը
Դիլերներ
BMW ընկերությունը որոշում է կայացրել 44 հազարով կրճատել ԱՄՆ արտահանվող մարդատար ավտոմեքենաների եւ քրոսովերների թիվը: Գերմանական ավտոարտադրողն այդ տրանսպորտային միջոցները նախատեսում է ուղարկել այլ շուկաներ, որտեղ դրանք ավելի շահավետ կվաճառվեն: Այս մասին ասել է ԱՄՆ-ում BMW Group-ի ներկայացուցչության ղեկավար Ջիմ Օ’Դոնելլը, հայնտնում է Automotive News-ը.
Տվյալ որոշումը ԱՄՆ-ում BMW-ի նոր ռազմավարության մասն է կազմում, որն Օ’Դոնելլը Մյունխենում իր ղեկավարությանն է ներկայացրել 2008 թվականի սկզբին: Նրա խոսքերով, առաջին հերթին կկրճատվեն X3 մոդելի արտահանումները, չնայած որ պահանջարկը այդ կոմպակտ քրոսովերի նկատմամբ վերջերս աճում է վառելիքի գնի բարձրացման պատճառով:
"X3 մոդելը կարող է լավ վաճառվել նաեւ այլ շուկաներում, իսկ ԱՄՆ-ում այն մեծ շահույթ չի բերի", - նշեց Օ’Դոնելլը:
Զարգացման ծրագիրը ներառում է նաեւ Հյուսիսամերիկյան շուկա դուրս բերել չորսմխոցային շարժիչներ, որոնք ներկայումս այնտեղ չեն առաքվում, մեքենաների ներմուծման 10-տոկոսանոց կրճատում, դիլերներին բոնուսային վճարների փոփոխում` հաճախորդների գոհունակության բարձրացման համար, կորպորատիվ ծախսերի կրճատում, 90 աշխատատեղերի կրճատում, ինչպես նաեւ դեկտեմբերյան ավանդական զեղչերի վերացում: ԱՄՆ-ում BMW ներկայացուցչության գլխավոր տնօրենի խոսքերով, առաջին հերթին կկրճատվի մարքեթինգային ծախսերի բյուջեն:
Օ’Դոնելլի կարծիքով, 2008 թվականին BMW-ի վաճառքներն ԱՄՆ-ում կկրճատվեն 10 տոկոսով: Հիշեցնենք, որ 16 տարի անընդմեջ ընկերության վաճառքները ԱՄՆ-ում միայն աճել են եւ 2007 թվականին կազմել 293795 ավտոմեքենա:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
