Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Առաջին ստորգետնյա հասարակական ավտոկանգառների շինարարությունը Երեւանում կսկսվի 2008 թվականի սեպտեմբերին, հայտնել է “Երեւաննախագիծ” ինստիտուտի տնօրեն Գուրգեն Մուշեղյանը:
“Ընդհանուր օգտագործման առաջին ավտոկանգառների շինարարությունը կսկսվի քաղաքի կենտրոնի առանցքային հատվածներում, որտեղ նկատվում են ավտոմեքենաների ամենամեծ կուտակումները”, - ասել է նա մամլո ասուլիսում:
Մինչեւ 2012 թվականը Երեւանի քաղաքապետարանը նախատեսում է քաղաքի կենտրոնում կառուցել ընդհանուր օգտագործման ստորգետնյա ավտոկանգառներ 10 հազար ավտոմեքենայի համար:
Մուշեղյանի խոսքերով, ավտոկանգառները կնվազեցնեն կայանված մեքենաների քանակությունը մայրաքաղաքի փողոցներում` ավելացնելով դրանց անցանելիությունը:
Քաղաքապետարանը նախատեսում է ավտոկանգառներ կառուցել հասարակական եւ մշակութային կենտրոններին հարող տարածքներում, մասնավորապես Հանրապետության, Ֆրանսիայի, Մյասնիկյանի հրապարակների տակ, Հանրապետական մարզադաշտի եւ “Էրեբունի” հյուրանոցի մերձակայքում:
Հետագայում ավտոկանգառների շինարարության համար կօգտագործվեն մայրաքաղաքի բակերի տարածքները, իսկ կանգառների վերեւում կկառուցվեն խաղահրապարակներ եւ հանգստի գոտիներ:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
