Ամերիկյան General Motors կոնցերնն արդեն հոկտեմբերին պատրաստվում է սկսել Hummer ապրանքանիշի գնորդի որոնումները: Ինչպես հաղորդում է Reuters-ը, այդ գործարքը թույլ կտա GM-ին փոխհատուցել վնասները, որոնք կրում է ավտոարտադրողը:
GM-ի գլխավոր Ուոլթեր Բորսթը սեպտեմբերի 24-ին կայացած մամլո ասուլիսում հայտարարել էր, որ կոնցերնն ունի Hummer-ի վաճառքի մանրամասն պլան, սակայն պաշտոնական մանրամասների մասին կհաղորդվի ավելի ուշ: Իսկ GM-ի ավելորդ ակտիվների առաջին փուլը կլինի Ստրասբուրգի (Ֆրանսիա) գործարանի վաճառքը, որտեղ արտադրվում են ավտոմատ տրանսմիսիաներ: Ստացված միջոցները կոնցերնը նախատեսում է ուղղել «բիզնեսի ռազմավարական կարեւոր ուղղությունների զարգացմանը»:
Ավելի վաղ GM-ը հայտարարում էր, որ Hummer ապրանքանիշի հավանական գնորդների թվում բացի չինական եւ հնդկական ընկերություններից կա նաեւ ռուսական ընկերություն:
Like
OK
