Toyota-ն նոր տեղ է գտել անվտանգության բարձիկների համար

Toyota ընկերությունը մշակել է աշխարհում առաջին անվտանգության բարձիկները, որոնք նախատեսված են ետեւի նստատեղի ուղեւորների գլխուխների պաշտպանության համար եւ վթարի դեպքում բացվում են ավտոմեքենայի ետեւի ապակու դիմաց: Այս մասին երեքշաբթի օրը հայտնել է The International Herald Tribune թերթը:

Անվտանգության նոր բարձիկները Toyota-ն առաջին անգամ նախատեսում է տեղադրել iQ սուբկոմպակտ ավտոմեքենայի վրա, որը եվրոպական շուկայում կսկսի վաճառվել հաջորդ տարվա սկզբին: Ճապոնական ընկերության ներկայացուցիչների խոսքերով, ավտովթարի դեպքում ետեւի անվտանգության բարձիկները թույլ կտան մոտավորապես 2 անգամ ուժեղացնել ուղեւորների պաշտպանությունը ետեւից հարվածների դեպքում: Toyota-ի նոր մշակման վերաբերյալ ավելի մանրամասն տեղեկատվություն դեռեւս տրամադրված չէ:

Հիշեցնենք, որ Toyota iQ միկրոլիտրաժային ավտոմեքենան, որը ճապոնական ընկերությունում անվանում են ամենափոքր չորստեղանի ավտոմեքենան աշխարհում, ներկայացվել էր նախորդ տարվա աշնանը Ֆրանկֆուրտի ավտոսրահում:

Facebook Odnoklassniki

3188 դիտում