Չնայած ճգնաժամին, Porsche-ն ավելացրել է ավտոմեքենաների մատակարարումները

Գերմանական Porsche AG-ի եկամուտը 2007-2008 թվականների ֆինանսական տարում աճել է 1,3%` մինչեւ 7,46 մլրդ եվրո (10,56 մլրդ դոլլար): Ընկերության վաճառքները հաշվետու ժամանակահատվածում ավելացել են 1,2%, նույնպես 1,2%-ով աճել են նաեւ ավտոմեքենաների մատակարարումները` մինչեւ 98 652 ավտոմեքենա: Այս տվյալները ներկայացվել են այսօր ընկերության կողմից տարածված հաղորդագրությունում:

Porsche ներկայացուցիչները նշել են, որ ընթացիկ տնտեսական իրավիճակի պայմաններում բավականին բարդ է կանխատեսել հաջորդ ֆինանսական տարվա միտումները: Ընդ որում նրանք ավելացրել են, որ ընկերությունը կկրճատի ավտոմեքենաների արտադրության ծավալները, որպեսզի թույլ չտա իրավիճակ, երբ չի կարողանա վաճառել իր բոլոր թողարկած ավտոմեքենաները:

Facebook Odnoklassniki

3511 դիտում