Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Հատուկ Փարիզի ավտոսրահի համար Lamborghini ընկերությունը պատրաստել է չորստեղանոց սեդանի կոնցեպտ, որը ստացել է Estoque անվանումը: Ի տարբերություն Volkswagen կոնցերնի մյուս համաշխարհային պրեմիերաների, որի մեջ մտնում է իտալական բրենդը, սուպեր ավտոմեքենան դեռեւս չի կարող ինքնուրույն տեղաշարժվել: Դեռեւս դա ավտոմեքենայի պատրաստման նախնական փուլն է, որը չունի ոչ շարժիչ, ոչ տրանսմիսիա, ոչ այլ տեխնիկական բնութագրեր, բացի բեռնախցիկի ծավալից, որը կազմում է 450 լիտր: Սպորտքարի համար դա բավականին լուրջ ցուցանիշ է:
Հնարավոր է, որ իտալացիները ստիպված էին մշակել նման «հում» տարբերակ` ի պատասխան Porsche Panamera-ի, որի սերիական տարբերակը խոստացել էին ցուցադրել Փարիզում:
Estoque-ը նոր էջ է բացում Lamborghini-ի պատմությունում. մինչ այսօր նրա մոդելային շարքում չորսդռնանի ավտոմեքենա չի եղել: Չնայած բացառված չէ, որ նախատիպը, իսկ այնուհետեւ նաեւ սերիական տարբերակը կանվանեն չորսդռնանի կուպե: Իրենք ստեղծողներն ասում են, որ նոր սպորտքարը սեդան է միայն նրա համար, որ ունի չորս դուռ եւ բեռնախցիկի խուփ, որը բացվում է առանց ետեւի ապակու:
Իր անվանման համար կոնցեպտը պարտական է ցուլամարտին. այդպես է կոչվում է մատադորի կողմից օգտագործվող սուրը: Estoque-ն ունի գետնից ընդամենը 1,35 մետր բարձրություն, սակայն, ինչպես պնդում է արտադրողը, երեքմետրանոց անիվային բազան թույլ կտա երթեւեկել հարմարավետ պայմաններում եւ նեղություն չզգալ ինչպես առջեւի, այնպես էլ ետեւի ուղեւորներին: Նախատիպի ընդհանուր երկարությունը կազմում է 5,15 մետր, լայնությունը` երկու մետր:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
