Infiniti G37 կաբրիոլետը Եվրոպայում կհայտնվի 2009 թվականին

Infiniti ընկերությունը ներկայացրել է G37 կուպեի բաց տարբերակի նոր պաշտոնական լուսանկարը, ինչպես նաեւ հայտնել է այն մասին, որ ավտոմեքենան վաճառվելու է ոչ միայն Հյուսիսային Ամերիկայում, այլեւ եվրոպական շուկայում: Եվրոպական դիլերների սրահներում նորույթը կհայտնվի 2009 թվականի ամռանը, իսկ նրա դեբյուտը կկայանա Լոս Անջելեսի նոյեմբերյան մոտոր-շոուին:

Infiniti G37 Convertible կստանա նույնպիսի ուժային ագրեգատ, ինչպես եւ կուպեն: Դա 6-մխոցանի ատմոսֆերային շարժիչ է` 3,7 լիտր ծավալով եւ 320 ձիաուժ հզորությամբ, որը կախված մոդիֆիկացիայից կարող է աշխատել կամ վեցաստիճան մեխանիկական ավտոմատ տուփի, կամ յոթ արագություն ունեցող ավտոմատի հետ` փոխանցումները փոփոխելու հնարավորությամբ: Ավտոմեքենան կստանա պինդ ծալվող առաստաղ, որը բաղկացած կլինի երեք էլեմենտից:

Ավտոմեքենան ներկայացվում է որպես BMW 3-Series Convertible-ի եւ Mercedes-Benz CLK-ի մրցակից: Նախնական տվյալներով, նորույթի արժեքը կկազմի մոտ 40 հազար եվրո:

Facebook Odnoklassniki

3037 դիտում