Lexus IS 250-ը ստացավ ալյումինե ծալվող առաստաղ

Հինգշաբթի օրը Փարիզում կայացավ IS 250 մոդելի հիման վրա մշակված Lexus IS 250C կուպե-կաբրիոլետի պրեմիերան: Արտաքինից այս ավտոմեքենան որդեգրել է սեդանից միայն ծածկոցը (կապոտը) եւ դիզայնի այնպիսի էլեմենտներ, ինչպիսիք են առջեւի լուսարձակները, դռների բռնիչները եւ կողային հայելիները: Թափքի մյուս բոլոր պանելները փոփոխության են ենթարկվել: Արդյունքում, ավտոմեքենայի ընդհանուր երկարությունն ավելացել է 70 միլիմետրով, իսկ դռները երկարել են 300 միլիմետրով:

Ստեղծելով այդ ավտոմեքենան, կոնստրուկտորները հատուկ ուշադրություն են հատկացրել առաստաղի ծալման մեխանիզմին եւ թափքի աէրոդինամիկային: Արդյունքում կոշտ ալյումինե վերին մասը, որը բաղկացած է երեք հատվածներից, հավաքվում է ընդամենը 20 վայրկյանում, իսկ բարձրացված առաստաղով օդին հակազդման գործակիցը IS 250C մոտ գրեթե նույնն է, ինչ սեդանի մոտ` 0,29-ը 0,27-ի դիմաց:

Շարժիչը, V-աձեւ վեցմխոցանին 2,5 լիտր ծավալով եւ 208 ձիաուժ հզորությամբ, կաբրիոլետը որդեգրել է IS 250-ից` 6 աստիճան ավտոմատ փոխանցման տուփի հետ միասին:

Facebook Odnoklassniki

2607 դիտում