Aston Martin-ը ամենագնաց կարտադրի Lagonda մակնիշի տակ

Փարիզի ավտոսրահի ժամանակ իր բազմաթիվ հարցազրույցներից մեկում Aston Martin-ի ղեկավար Ուլրիխ Բեցը մի քանի մանրամասներ է պատմել այն մասին, թե կոնկրետ ինչ մեքենաներ են արտադրվելու վերածնվող Lagonda մակնիշի տակ: Գլխավորը, նրա խոսքերով, այն է, որ Rapide նոր սեդանը Lagonda-ին չեն տա: “Մենք պատրաստում ենք իսկական սպորտային ավտոմեքենա, ոչ թե լիմուզին, այդ պատճառով էլ այն կոչվելու է Aston Martin":

“Իսկ ահա ամենագնաց Aston Martin-ը չի ունենա: Իսկ Lagonda-ն` խնդրեմ”, - ավելացրել է նա: Այն փաստը, որ շքեղ սպորտային ամենագնացի ստեղծման աշխատանքներն արդեն ընթանում են, հաստատեց նաեւ Aston Martin-ի թոփ-ինժեներներից մեկը` Դեյվ Քինգը, որն այժմ զբաղեցնում է վերածնվող մակնիշի տեխնիկական տնօրենի պաշտոնը:

Բեցը, իր հերթին, նաեւ հայտնել է, որ Lagonda-ն ավելի մասսայական բրենդ կդառնա, քան Aston Martin-ը եւ ներկայացված կլինի ավելի շատ շուկաներում: Եթե “Աստոնի” դիլերներ այժմ կան 32 երկրներում, ապա “Լագոնդան” վաճառվելու է առնվազն 100 երկրներում: Ինչպես գտնում են որոշ փորձագետներ, նոր մակնիշը կարող է մրցակից դառնալ Porsche-ին եւ կստանա մոտավորապես նույն մոդելային շարքը: Բնականաբար, ներառյալ ամենագնացը:

Facebook Odnoklassniki

4155 դիտում